ﷲއަށް ހަމްދުހުރި، އިތުރު 16 މީހަކު ބަލިން ރަނގަޅު ވެއްޖެ

ކޮވިޑް-19 އަށް ފައްސިވި މީހުންގެ ތެރެއިން އިތުރު 16 މީހަކު ބަލިން ރަނގަޅު ވެއްޖެއެވެ.

Ads by Sosun Fihaara

މިރޭ ބޭއްވި ނޫސްވެރިންގެ ބައްދަލުވުމެއް ކޮވިޑް-19ގެ ތަރުޖަމާނު މަބްރޫކް އަޒީޒް ވިދާޅުވީ މިއަދުވެސް 16 މީހަކު ބަލިން ރަނގަޅުވެފައިވާ ކަމަށް މަބްރޫކް ވިދާޅުވިއެވެ.

މި މީހުންނާއެކު ރާއްޖެއިން ރަނގަޅުވި މީހުންގެ އަދަދު މިހާރު ވަނީ 401 އަށް އަރާފައެވެ. ބަލިން ރަނގަޅުވި މީހުންގެ ތެރޭގައި ގިނައިން ހިމެނެނީ ދިވެހިންނެވެ.

ރާއްޖެއިން މި ބަލި ޖެހުނު މީހުންގެ ޢަދަދު މިހާރު ވަނީ 1672 އަށް އަރާފައެވެ. އޭގެ ތެރެއިން 401 މީހަކު ބަލިން ރަނގަޅުވެފައިވާއިރު، 12 މީހަކަށް އަންނަނީ ހޮސްޕިޓަލުގައި ފަރުވާ ދެމުންނެވެ. އަދި ފަސް މީހަކު ކޮވިޑް ޖެހިގެން ނިޔާވެފައިވާއިރު، އޭގެ ތެރޭގައި ހިމެނެނީ ތިން ދިވެހިންނާއި ދެ ބިދޭސީ އެކެވެ.