އިތުރު 39 މީހަކު ކޮވިޑަށް ފައްސި ވެއްޖެ
އިތުރު 39 މީހަކު ކޮވިޑް-19 އަށް ފައްސި ވެއްޖެއެވެ.
މިހާރު ކުރިއަށްދާ ނޫސްވެރިންގެ ބައްދަލުވުމެއް ކޮވިޑް-19ގެ ތަރުޖަމާނު މަބްރޫކް އަޒީޒް ވިދާޅުވީ މި 39 މީހުންނާއެކު މިއަދު އެކަނި ވެސް ރާއްޖެއިން 81 މީހަކު ފައްސި ވެފައިވާ ކަމަށެވެ.
އަދި މިހާތަނަށް ރާއްޖެއިން މި ބައްޔަށް ފައްސިވި މީހުންގެ ޖުމްލަ އަދަދު މިހާރު ވަނީ 1672 އަށް އަރާފައެވެ. މީގެ ތެރެއިން 401 މީހުން ރަނގަޅުވެފައިވާއިރު ފަސް މީހަކު ވަނީ ނިޔާވެފައެވެ. އަދި 12 މީހަކަށް އަންނަނީ ހޮސްޕިޓަލުގައި ފަރުވާ ދެމުންނެވެ.
މަހަކަށް ވުރެ ގިނަ ދުވަހު މާލެ ފުލް ލޮކްޑައުން ކުރުމަށް ފަހު މިހާރު ވަނީ މާލެ ސަރަަހައްދަށް ލުއިތަކެއް ދީފައެވެ. އެގޮތުން ބައެއް ފިހާރަތައް ހުޅުވުމުގެ ހުއްދަ އެޗްޕީއޭއިން ވަނީ ދީފައެވެ.
މާލެ ސަރަަހައްދުގެ ލޮކްޑައުނަށް ލުއިތައް ދެމުން އަންނަނީ ފިޔަވަހިތަކަކަށް ބަހާލައިގެންނެވެ. ނަމަވެސް ލުއިތައް ދިނުމުން އަނެއްކާވެސް ބަލީގެ ހާލަތު ގޯސްވާނަމަ އަލުން ލޮކްޑައުނަށް ދާން ޖެހިދާނެ ކަމުގެ އިންޒާރު ޑޮކްޓަރުން ވަނީ ދީފައެވެ.
