ނަރުދޫ މޮނިޓަރިންގެ ހާލަތު ނަގައި، އާންމު ހާލަތަށް ގެނެސްފި
މާލެ ފިޔަވައި ދެން އެންމެ ގިނަ މީހުން ކޮވިޑް-19 އަށް ފައްސިވި، ށ. ރުދޫ މޮނިޓަރިންގެ ހާލަތު ނަގައި، އާންމު ހާލަތަށް ގެނެސްފިއެވެ.
ނަރުދޫ ލޮކްޑައުން ކޮށްފައި ވަނީ މިދިޔަ މަހުގެ 15ވަނަ ދުވަހު މާލެއިން ފުރައިގެން ދަތުރުކުރި "އަމާޒު" ބޯޓުގެ ކެޕްޓަން ފައްސިވުމާ ގުޅިގެން ޕްރައިމަރީ ކޮންޓެކްޓްވި 113 މީހުންގެ ތެރެއިން ނަރުދޫއަށް ނިސްބަތްވާ 11 މީހަކަށް ބަލި ޖެހުމާ ގުޅިގެންނެވެ.
އެއާ ގުޅިގެން ނަރުދޫއިން 52 މީހަކު ކޮވިޑަށް ޓެސްޓްކޮށްފައިވާއިރު، ފައްސިވި 11 މީހުން ފިޔަވައި ބާކީތިބި އެންމެން ނައްސި ވެފައިވާކަމަށް މިމަހުގެ 5 ވަނަ ދުވަހު އެޗްޕީއޭއިން ވަނީ އަންގާފައެވެ.
މިރޭ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ކޮވިޑް-19ގެ ތަރުޖަމާން މުހައްމަދު މަބްރޫކް އަޒީޒް ވިދާޅުވީ މިއަދުން ފެށިގެން ނަރުދޫ އާންމު ހާލަތަށް ބަދަލުކޮށްފައިވާކަމަށެވެ.
އަމާޒު ބޯޓުގެ ކެޕްޓަން ނިސްބަތްވާ ނަރުދޫގައި މުޖުތަމައުގައި ބަލި ފެތުރޭކަމަށް ބެލެވޭތީ ޚާއްސަ ފިޔަވަޅުތަކެއް އަޅައި އެރަށުގެ ހާލަތު ބެއްލެވުމަށް ހެލްތު މިނިސްޓަރު އަބްދުﷲ އަމީން އާއެކު ޚާއްސަ ޓީމެއްވެސް ވަނީ ނަރުދުއަށް ގޮސްފައެވެ.
ނަރުދޫ މޮމިޓަރިންގެ ހާލަތުން ނެގުމާއެކު މިވަގުތު މޮނިޓަރިންގެ ޙާލަތުގައި އޮތީ މާލެ ހިމެނޭހެން ހަ ރަށެކެވެ.
