ގުރައިދޫގައި ބިދޭސީ މީހާ މަރާލި ކަމުގެ ތުހުމަތުގައި ޒަހަމް އޮއްވައި ފެނުނު ބިދޭސީ މީހާ ހައްޔަރުކޮށްފި

ތ. ގުރައިދޫގައި މަހުގެ 21 ވަނަ ދުވަހުގެ ރޭ ތޫނު އެއްޗަކުން ހަމަލާދީ ބިދޭސީ އަކު މަރާލި މައްސަލާގައި ޒަޚަމްވެފައި އޮތްވައި ފެނުނު ބިދޭސީ މީހާ ހައްޔަރުކޮށްފި އެވެ.

Ads by Sosun Fihaara

ފުލުހުން ބުނީ އެ މީހާގެ މަރުގެ މައްސަލައާ ގުޅިގެން 22 އަހަރުގެ ބަންގްލަދޭޝް ފިރިހެނެއްގެ މައްޗަށް ތުހުމަތު ކުރެވިފައިވާ ކަމަށެވެ. އަދި މި މަހުގެ 21 ވަނަ ދުވަހުން ފެށިގެން އޭނާ ހުރީ ހައްޔަރުކުރެވިފައި ކަމަށްވެސް ފުލުހުން ބުނެއެވެ.

އެ މީހާ މަރާލާފައިވަނީ ދެ މީހުންގެ ދެ މެދުގައި ހިނގި ހަމަނުޖެހުމެއްގެ ތެރެއިންކަން މިހާތަނަށް ތަހުގީގަށް އެނގިފައިވާ ކަމަށްވެސް ފުލުހުން މައުލޫމާތުދެއެވެ.

އަދި މި މައްސަލައާ ގުޅިގެން ފުލުހުން ހޯދަންޖެހޭ ފޮރެންސިކް ހެކި ހޯދައި ތަހުގީގު ކުރުމަށް ކުރަންޖެހޭ މަސައްކަތް މިހާރު ކުރިއަށްދާ ކަމަށް ފުލުހުން ހާމަކުރެއެވެ.