ކަސްޓަމްސް އިން ކޮވިޑަށް ފައްސިވި ދެ މުވައްޒަފަކު ބަލިން ރަނގަޅުވެއްޖެ
މޯލްޑިވްސް ކަސްޓަމަސް ސާވިސް އިން ކޮވިޑް-19 އަށް ފައްސިވިެ ދެ މުވައްޒަފުވެސް ބަލިން ރަނގަޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ޑެޕިއުޓީ ކޮމިޝަނަރ އޮފް ކަސްޓަމަސް އަބްދުﷲ ޝަރީފް ވިދާޅުވީ، އެތަނުގައި މަސައްކަތް ކުރާ ދެ މުވައްޒަފަކު ކޮވިޑަށް ފައްސިވި ކަމަށާއި ނަމަވެސް މިހާރު އެ ދެ ދެ މީހުންވެސް ބަލިން ރަނޅުވެފައިވާ ކަމަށެވެ.
ފައްސިވީ އަންހެން މުވައްޒަފަކާއި ފިރިހެން މުވައްޒަފެއް ކަމަށް ވެސް ޝަރީފް ވިދާޅުވިއެވެ.
ޝަރީފް ވިދާޅުވީ، އެކި މަރުހަލާތަކުގައި 50 ވަރަކަށް މުވައްޒަފުން، އައިސޮލޭޝަން ނުވަތަ ކަރަންޓީންގައި ބައިތިއްބަން ޖެހުނު ކަމަށާއި މިހާރުވެސް އެގޮތަށް 30 ވަރަކަށް މުވައްޒަފުން ތިބޭނެ ކަމަށެވެ.
ކަސްޓަމްސްއިން ޕްރައިމަރީ ކޮންޓެކްޓްގެ ގޮތުގައި ފާހަގަކުރެވުނު މީހުންގެ ސާމްޕަލް ނަގާ ޓެސްޓު ކުރެވުނު ކަމަށާއި އެ ސާމްޕަލްތަކުގެ ނަތީޖާތައް ނައްސިވެފައިވާ ކަމަށް އޭނާ ވިދާޅުވިއެވެ.
