ރާއްޖެއިން ލަންކާ އަށް ދިޔަ 3 މީހަކު ފައްސި ވެއްޖެ

ރާއްޖެއިން ލަންކާ އަށް ދިޔަ ތިން މީހަކު ކޮވިޑް-19 އަށް ފައްސި ވެއްޖެއެވެ.

Ads by Hajj Corporation

ލަންކާގެ ހެލްތު މިނިސްޓްރީއާ ހަވާލާދީ ނިއުސްރޭޑިއޯ އިން ރިޕޯޓުކޮށްފައިވާ ގޮތުގައި އިއްޔެ އެ ގައުމުން ކޮވިޑްގެ 62 އާ ކޭސް ވަނީ ފެނިފައެވެ.

މި 62 މީހުންގެ ތެރެއިން 25 މީހުންނަކީ ލަންކާ ނޭވީގައި މަސައްކަތް ކުރާ މީހުން ކަމަށާއި 26 މީހުންނަކީ ގަތަރުން އެނބުރި އައި މީހުން ކަމަށް ވެސް ލަންކާ ހެލްތު މިނިސްޓްރީން ބުނެފައިވެއެވެ.

މީގެ އިތުރުން 8 މީހުންނަކީ ކުވައިތުން އެ ގައުމަށް ދިޔަ މީހުން ކަމަށާއި އެނައް ތިން މީހުންނަނީ ރާއްޖެއިން އެ ގައުމަށް ދިޔަ މީހުން ކަމަށް ރިޕޯޓުކޮށްފައި ވެއެވެ.

ލަންކާއިން މިހާތަނަށް 1620 މީހުން ކޮވިޑަށް ފައްސި ވެފައިވާއިރު، މިވަގުތު ފަރުވާދެމުން ދަނީ 829 މީހަކަށެވެ. އަދި 10 މީހަކު ވަނީ އެ ބަލީގައި ލަންކާއިން މަރުވެފައެވެ.