ޚާއްސަ އެހީއަށް ބޭނުންވާ ކުއްޖެއް ގޮވައިގެން އުމްރާއަކަށް ދާން އެއްކުރި ފައިސާތަކެއް ވަގަށް ނަގައިފި
ހާއްސަ އެހީއަށް ބޭނުންވާ ކުއްޖަކަށް ބޭސްފަރުވާ ކުރުމަށާއި، އެ ކުއްޖާ ގޮވައިގެން އުމްރާގެ އަޅުކަމަށް ދިއުމަށް ރައްކާކޮށްފައި ހުރި ގިނަ އަދަދެއްގެ ފައިސާ ތަކެއް ގދ. ތިނަދޫއިން ވަގަށް ނަގައިފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ ތިނަދޫ ގެއަކުން ފައިސާތަކެއް ވަގަށް ނަގާފައިވާ ކަމަށް މިހިނގާ ޑިސެމްބަރު މަހުގެ 23 ވަނަ ދުވަހު ފުލުހުންނަށް ހުށަހެޅިފައިވާ ކަމަށާއި މިމައްސަލަ ފުލުހުން މިހާރު ތަހުގީގު ކުރަމުންދާ ކަމަށެވެ.
ފައިސާތަކުގެ ވެރި ފަރާތުން މައުލޫމާތު ދީފައިވާ ގޮތުގައި ވަގަށް ނަގާފައި ވަނީ އެމީހުން ރައްކާކޮށްފައި ހުރި 7751 ޑޮލަރާއި، 2000 ދިވެހި ރުފިޔާއެވެ.
އެފައިސާތައް ވަގަށް ނަގާފައި ވަނީ އެގޭގެ އަލަމާރީ ތެރޭގައި ބަހައްޓާފައި ހުއްޓާ ކަމަށް ވެސް މައުލޫމާތު ދީފައި ވެއެވެ.
ޚާއްސަ އެހީއަށް ބޭނުންވާ ކުއްޖެއްގެ ބޭސް ފަރުވާ އަށާއި، އެކުއްޖާ ގޮވައިގެން އުމްރާއަކަށް ދާން ފުރުމަށް އެއްކުރި ފައިސާތަކަކީ، ގޭގެ ޚަރަދުތައް ކުރުމަށްފަހު އަހަރު ދުވަސް ވަންދެން އެއްކުރި ފައިސާ ކަމަށް ވެސް، ފައިސާގެ ވެރި ފަރާތުން ބުނެފައިވެއެވެ.
ﷲ އެކުއްޖާާ އަށާާ އާއިލާާ އަށްް އެޔަށްވުރެއްް މޮޅުު ހެޔޮޮ ގޮތެއްް މިންވަރުކޮށްދެއްވާށިި! އާމީން