ފުވައްމުލަކުގައި އެހެން އަންހެނެއް ކައިރިއަށް ދިޔަ ފިރިއަކަށް "ހޭ އަރުވާ" ލައިިފި
ފުވައްމުލަކުގައި އެހެން އަންހެނެއް ކައިރިއަށް ދިޔަ ފިރިއަކަށް ހޭ އަރުވާލައިފިއެވެ.
"ވަގުތު" ނޫހުގައި ރިޕޯޓުކޮށްފައިވާ ގޮތުގައި އެ ހާދިސާ ހިނގާފައި ވަނީ އެ ރަށުގައި ކައިވެނި ކޮށްގެން އުޅޭ ފިރިޔަކު ވަނީ ކައިވެނިން ބޭރު ގުޅުމެއް ހިންގަމުން އަންނަނިކޮށް ފަޅާ އެރުމުންނެވެ. އެ އަންހެނަކީ ވެސް އެހެން މީހަކާ ކައިވެނިކޮށްގެން އުޅޭ މީހެކެވެ.
މި ނަހަލާލު ގުޅުމަށް އެތައް އަހަރެއް ވެފައިވާއިރު، ދެމީހުން އެކުގައި ދަރިންވެސް ލިބިފައި އެބަ ތިއްބެވެ.
މި ދެ މީހުންގެ ކުޅިގަނޑު ފަޅާއެރީ މިދިޔަ ހަފްތާގެ ރެޔެއްގައި އެ ފިރިހެން މީހާ އޭނާގެ ސިއްރު ލޯބިވެރިޔާ ގޮވައިގެން ރަށުގެ ވަލެއް ތެރެއިން ނިކުންނަނިކޮށެވެ.
މައުލޫމާތު ލިބޭ ގޮތުގައި މި ދެ ލޯބިވެރިން ވަލު ތެރެއަށް ވަންނަ މަންޒަރު ފެނުނު ހިސާބުން އެމީހުން ވަނީ އެ ދެމީހުންނަށް ފާރަ ލާފައެވެ.
މިއާއެކު އެ މީހުން ވަނީ ފިރިހެން މީހާގެ އަނބިމީހާ އަށް ކަންތައްވީ ގޮތް ކިޔައިދީފައެވެ.
އެއާއެކު އަނބިމީހާ ވަނީ ފިރިމީހާ އަށް ހަމަލާދީ ވަރަށް ބޮޑަށް އަނިޔާ ކޮށްފައެވެ. މައުލޫމާތު ލިބޭ ގޮތުގައި އެރޭ އެ ފިރިހެން މީހާ ވަނީ ހޮސްޕިޓަލަށް ގޮސް ފަރުވާ ވެސް ހޯދާފައެވެ. އަދި އޭގެ ފަހުން އޭނާ ދޫކޮށް ނުދިއުމަށް އަނބިމީހާ ގާތު ރޮއި އާދޭސް ކޮށްފައިވާ ކަމަށްވެސް ވެއެވެ.
