ލޮކްޑައުންގައި ޕީޖީން ކޯޓުތަކަށް 45 މައްސަލައެއް ފޮނުވާފައިވޭ: ޝަމީމް
މާލެ ސަރަހައްދު ލޮކްޑައުން ކޮށްފައި އޮތް މުއްދަތުގައި ވެސްވެސް ޕްރޮސިކިއުޓަރު ޖެނެރަލް(ޕީޖީ) އޮފީހުން ޝަރުއީ ކޯޓުތަކަށް 45 މައްސަލައެއް ފޮނުވާފައިވާ ކަމަށް ޕްރޮސިކިއުޓަރު ޖެނެރަލް ހުސައިން ޝަމީމް ވިދާޅުވެއްޖެއެވެ.
ޕީޖީ ހުސައިން ޝަމީމް ކުރެއްވި ޓްވީޓެއްގައި ވިދާޅުވީ 45 މައްސަލާގައި 77 ދައުވާ ޝީޓު ފުރިހަމަ ކޮށްފައިވާނެ ކަމަށާއި އެހުރިހާ މައްސަލައެއްވެސް ކޯޓުތަކަށް ފޮނުވީ އޮންލައިންކޮށް ކަމަށެވެ. ޝަމީމް ވިދާޅުވީ ކަރުދާސް ފޮނުވުމުގެ ބަދަލުގައި، އޮންލައިންކޮށް މަސައްކަތްތައް ކުރިއަށް ގެންދިއުން މާބޮޑަށް ރަނގަޅު ކަމަށެވެ.
During #covid19 May2020 lockdown, @PGO_MV sent 45 cases (77 charge sheets) to @CRCMaldives. We sent all documents ONLINE. Contact less & safe. We are ready to send to atoll courts too. Will be good NOT go back to sending papers. Together, let's move into the future @judiciarymv
— Hussain Shameem (@HuShameem) June 1, 2020
ޕީޖީ އޮފީހުން އަންނަނީ ޝަރުއީ ނިޒާމަށް ޓެކްނޮލޮޖީ ބޭނުން ކުރުމުގެ މުހިއްމު ކަމާއި ޓެކްނޮލޮޖީ ބޭނުން ކުރުމުން މައްސަލަތައް އަވަސްވާ ކަމަށް ވިދާޅުވަމުންނެވެ. އެގޮތުން ޕީޖީ އޮފީހުން އަންނަނީ އޯޑިއޯ އަދި ވީޑިއޯ މެދުވެރިކޮށް ޝަރީއަތްތަކުގައި ބައިވެރިވުމަށް ވީޑިއޯ ކޮންފަރެންސް ސިސްޓަމްތައް ގާއިމް ކުރަމުންނެވެ.
