އެންއައިސީ ހިންގަން ޖެހޭނީ ގާނޫނާ އެއްގޮތަށް: އިމްރާން
ނެޝަނަލް އިންޓަގްރިޓީ ކޮމިޝަން (އެންއައިސީ) ހިންގަން ވާނީ ގާނޫނުގައިވާ ގޮތަށް ފުރިހަމަ ތަނެއްގެ ގޮތުގައި ކަމަށް ހޯމް މިނިސްޓަރު އިމްރާން އަބްދުﷲ މިއަދު ވިދާޅުވެއްޖެ އެވެ.
އިމްރާން ކުރެއްވި ޓްވީޓެއްގައި ވިދާޅުވީ ފުލުހުންވެސް އަދި ޖަލުތަކުގައިވެސް ނުހަމައިން ކަންކަން ނުހިނގާނެ ގޮތަށް ސިޔާސަތުތައް ރޭވުމަކީ ހޯމް މިނިސްޓްރީން ކުރަމުންދާ މަސައްކަތެއްކަމަށެވެ. ނަމަވެސް ވަކި ވަކި އޮފިސަރުން ޤާނޫނާ ޚިލާފަށް ކުރާ ކަންކަމުގައި ފިޔަވަޅު އެޅުމަށް އެންއައިސީ ފުރިހަމަ ގޮތުގައި ހިންގުމަށް އެންއައިސީއާ ބެހޭ ޤާނޫނު ލާޒިމްކުރާ ކަމަށް މިނިސްޓަރ ވިދާޅުވިއެވެ.
އިމްރާން އެ ޓްވީޓް ކުރެއްވީ ގާނޫނުން އެންއައިސީއަށް މަތިކުރާ އެ މަސްއޫލިއްޔަތު ހިމެނޭ މާއްދާގެ ފޮޓޯއަކާ އެކު އެވެ.
އެ މާއްދާގައި ބުނެފައިވަނީ "އެންއައިސީ އާ ބެހޭ ގާނޫނަކީ ދިވެހިރާއްޖޭގައި ހިންގަމުންދާ ޤާނޫނު ތަންފީޒުކުރާ އިދާރާތަކުގެ ހިންގުން ހަރުދަނާކޮށް ޤާނޫނު ތަންފީޛުކުރާ އިދާރާތަކުގައި މުވައްޒަފުންނާއި އެ އިދާރާތަކާގުޅޭ މައްސަލަތައް ބަލާނެ އެންމެހައި އުސޫލުތަކާއި އިޖުރާއާތުތައް ކަނޑައަޅައި، އެފަދަ މައްސަލަތަކާ ގުޅޭގޮތުން ފިޔަވަޅުއެޅުމާބެހޭ ކަންކަން ތަންޒީމުކުރުމަށްޓަކައި ކޮމިޝަނެއް އުފައްދައި، އެ ކޮމިޝަންގެ ބާރުތަކާއި މަސްއޫލިއްޔަތުތަކާއި، މަސައްކަތުގެ ދާއިރާއާއި، އެ ކޮމިޝަންގެ ޝަރުޠުތަކާއި ސުލޫކީ ހަމަތަކާއި، އެ ކޮމިޝަން ހިންގާނެގޮތުގެ އުސޫލުތަކާއި އެ ކޮމިޝަންގެ ވާޖިބުތައް އަދާކުރާނެގޮތްތައް ބަޔާންކުރުމާ ބެހޭ ގާނޫނު" ކަމަށެވެ.
Fuluhunves adhi jaluthakugaives nuhamain kankan nuhingaanehen siyaasath ekulavaalumakee HM kuraakameh. Namaves vakivaki officerun qanunaa khilaafah hingaa kankamugai fiyavalhuelhumah, Q no. 27/2015ga bunaa minivan musthaqillu NIC furihama gothugai hingamundhiumakee laazimu kameh. pic.twitter.com/FEXu67tEHD
— Imran Abdulla (@ShimranAb) June 1, 2020
ރައްޔިތުންގެ މަޖިލީހުގެ މެމްބަރުން ގެންދަވަނީ އެންއައިސީއަށް ވަރަށް ބޮޑަށް ފާޑު ކިޔަމުންނެވެ.
އެގޮތުން ހެންވޭރު ހުޅަނގު ދާއިރާގެ އެމްޑީޕީގެ މެމްބަރު ހަސަން ލަތީފް ވިދާޅުވީ އެންއައިސީން މަޖިލީހަށް މައުލޫމާތު ނުދިން ނަމަވެސް އެކި ގޮތްގޮތުން އެ މައުލޫމާތު ހޯއްދަވާފައިވާ ކަމަށެވެ. އެ ކޮމިޝަންގެ މަސްއޫލިއްޔަތުގެ ތެރޭގައި މައްސަލަތައް ތަހުގީގުކޮށް ދައުވާ ކުރުމަށް ޕްރޮސިކިއުޓާ ޖެނެރަލްގެ އޮފީހަށް ފޮނުވުން ހިމެނޭއިރު އެކަންކަން ރަނގަޅަށް ކުރާތަން ނުފެންނަ ކަމަށް އޭނާ ވިދާޅުވި އެވެ.
