ރާއްޖޭގައި ކޮވިޑް-19 ޖެހިފައިވާ މީހުންގެ އަދަދު ވަނީ 1829 އަކަށް އަރައިފަ އެވެ. އޭގެ ތެރެއިން 581 މީހުންނަކީ ދިވެހިންނެވެ. އަދި އެ ބަލިން މިހާތަނަށް 488 މީހުން ވަނީ ރަނގަޅުވެފަ އެވެ.
ކޮވިޑް ޖެހިގެން ރާއްޖެއިން 7 ވަނަ މީހަކު ނިޔާ ވެއްޖެ
ކޮވިޑް ޖެހިގެން ރާއްޖެއިން 7 ވަނަ މީހަކު ނިޔާ ވެއްޖެއެވެ.
Ads by Hajj Corporation
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން މިއަދު ބުނީ ނިޔާވީ އުމުރުން 89 އަހަރުގެ ދިވެހި އަންހެނެއް ކަމަށާއި އެމީހާ އަކީ ހުޅުމާލެ އައިސޮލޭޝަން ފެސިލިޓީގައި ހުރި މީހެއް ކަމަށެވެ.
އިއްޔެވެސް ކޮވިޑް19 ޖެހިގެން ވަނީ ރާއްޖެއިން މީހަކު މަރުވެފައެވެ. އެއީ 54 އަހަރުގެ ބަންގްލަދޭޝް މީހެކެވެ. މިހާތަނަށް ރާއްޖެއިން މިބަލި ޖެހުނު މީހުންގެ ތެރެއިން މަރުވި މީހުންގެ ޖުމްލަ އަދަދު މިވަނީ ހަތަކަށް އަރާފައެވެ.
މިބަލި ޖެހިގެން ރާއްޖެއިން މަރުވި މީހުންގެ ތެރެއިން ގިނައީ އުމުރުން ދުވަސްވީ މީހުންނެވެ. އަދި އޭގެތެރެއިންވެސް ގިނައީ ދިވެހިންނެވެ. މިބަލީގައި މިހާތަނަށް ބަންގްލަދޭޝް ދެ މީހަކު މަރުވެފައިވާއިތު ބާކީ ތިބި ފަސް މީހުންނަކީ ދިވެހިންނެވެ.
Ads by HDC
