މަޖިލީހުގެ ހިނގި ކަންކަމުގެ ތެރެއިން ޝިޔާމް އަށް އަނިޔާވެފައިވާއިރު، އިދިކޮޅުން ވަނީ ޝިޔާމް އަށް އަނިޔާކުރީ މަޖިލީހުގެ ރައީސް، މުހައްމަދު ނަޝީދުގެ އެންގެވުމަށް ކަމަށް ތުހުމަތުކޮށްފައެވެ. އަދި އެ މައްސަލަ ބެލުމަށް ފުލުހަށް ވެސް ވަނީ ހުށަހަޅާފައެވެ.
ޝިޔާމަށް އެމްޑީޕީ މެމްބަރުން ހަމަލާ ދިނުމަކީ ދަށު ދަރަޖައިގެ ފިނޑި އަމަލެއް: ޖަމީލު
ރޭގެ ޖަލްސާގައި ނައިފަރު ދާއިރާގެ މެމްބަރު އަހުމަދު ޝިޔާމަށް އެމްޑީޕީ މެމްބަރުން ހަމަލާ ދިނުމަކީ ދަށު ދަރަޖައިގެ ފިނޑި އަމަލެއް ކަމަށް ކުރީގެ ނައިބް ރައީސް ޑރ. މުހައްމަދު ޖަމީލު އަހުމަދު ވިދާޅުވެއްޖެއެވެ.
Ads by Hajj Corporation
ރޭ ދަންވަރު 1:30 ގައި ބޭއްވި ޖަލްސާގައި ގާނޫނު އަސާސީއަށް ގެންނަ އިސްލާހުގެ މަސައްކަތް އިދިކޮޅު ކޯލިޝަނުން ލަސް ކުރީ ކަމަށް ވިދާޅުވެ މަޖިލީހުގެ ރައީސް ނަޝީދު ވާހަކަދެއްކެވުމުން ނައިފަރު ދާއިރާގެ މެމްބަރު އަހުމަދު ޝިޔާމް ވަނީ ޖަލްސާގައި އަޑުގަދަ ކުރައްވާފައެވެ. އެއާއެކު ރައީސް މުހައްމަދު ނަޝީދު ވަނީ ޝިޔާމްގެ ނަން އިއްވާ މަޖިލީހުގެ ތަޅުން ދޫކުރައްވާ ވަޑައިގަތުމަށް އަންގަވާފައެވެ.
ނަމަވެސް އެކަމަށް ޝިޔާމް ދެކޮޅު ހެދުމުން ސަރުކާރަށް ތާއީދުކުރާ މެމްބަރުން އޭނާ ތަޅުމުން ނެރެން މަސައްކަތް ކޮށް އެ މެމްބަރުންނާ ދެމެދު ކޮންމެވެސް ވަރެއްގެ ކުރިމަތިލުންތަކެއް ވަނީ ހިނގާ ޝިޔާމަށް ވަނީ އަނިޔާ ވެފައެވެ.
މިކަމާ ގުޅިގެން ޖަމީލު ކުރެއްވި ޓްވީޓެއްގައި ވިދާޅުވީ މަޖިލީހުން ރޭ ފެނިގެން ދިޔައީ ރިޔާސަތުގެ ފެންވަރު ކަމަށާއި އެމްޑީޕީ އަކީ އަބަދުވެސް ތަޅާފޮޅުން އިސްކުރި ބައެއް ކަމަށެވެ.
"އަނިޔާވެރިކަން ބަލަން ރައްޔިތުން މަޑު ނުތިބޭނެކަން ދުނިޔެއިން ފެންނަ މަންޒަރުތަކުން ދަސްކުރަން ޖެހޭ." ޖަމީލު ވިދާޅުވިއެވެ.
Majleehun rey fenigen dhiyaee riyaasathuge fenvaru. MP @Shiyamaldives ah MDP membarun hamalaa dhinumakee dhashu dharajaige, findi amaleh. Miee abadhuves thalhaafolhun iskuri baeh. Aniyaaverikan balan rayyithun madun nuthibeynekan, dhuniyein fenna manzaruthakun dhaskuran jehey. pic.twitter.com/YMLw1dIXGF
— Mohamed Jameel Ahmed (@MJameelAhmed) June 2, 2020
Ads by Ooredoo
