މަޖިލީހުގެ ހިނގި ކަންކަމުގެ ތެރެއިން ޝިޔާމް އަށް އަނިޔާވެ ހޮސްޕިޓަލުގައި ފަރުވާ ދީފައިވާއިރު، ޝިޔާމް އަށް އަނިޔާކުރަން އެންގީ މަޖިލީހުގެ ރައީސް، މުހައްމަދު ނަޝީދުގެ ކަމަށް އިދިކޮޅުން ވަނީ ތުހުމަތުކޮށްފައެވެ. އަދި އެ މައްސަލަ ބެލައި ދިނުމަށް ޝީޔާމު ވަނީ ފުލުހަށް ވެސް ހުށަހަޅާފައެވެ.
ރޭ މަޖިލީހުން ފެނިގެންދިޔައީ އެމްޑީޕީގެ އަނިޔާވެރިކަމާއި ހުދުމުހުތާރުކަން: އަދުރޭ
ރޭ ދަންވަރު ބޭއްވި މަޖިލީހުގެ ޖަލްސާގައި ހިނގި ތަޅާފޮޅުމުގެ ތެރެއިން ފެނިގެންދިޔައީ އަނިޔާވެރިކަމާއި ހުދުމުހުތާރުކަމުގެ ސިފަތައް ކަމަށް އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވެއްޖެއެވެ.
Ads by STELCO
އަދުރޭ މިހެން މި ވިދާޅުވީ ރޭ މަޖިލީހުގައި ހިނގާދިޔަ ހަމަނުޖެހުނަތަކަށް ނިސްބަތް ކޮށެވެ.
ރޭ ދަންވަރު 1:30 ގައި ބޭއްވި ޖަލްސާގައި ގާނޫނު އަސާސީއަށް ގެންނަ އިސްލާހުގެ މަސައްކަތް އިދިކޮޅު ކޯލިޝަނުން ލަސް ކުރީ ކަމަށް ވިދާޅުވެ މަޖިލީހުގެ ރައީސް ނަޝީދު ވާހަކަދެއްކެވުމުން ނައިފަރު ދާއިރާގެ މެމްބަރު އަހުމަދު ޝިޔާމް ވަނީ ޖަލްސާގައި އަޑުގަދަ ކުރައްވާފައެވެ. އެއާއެކު ރައީސް މުހައްމަދު ނަޝީދު ވަނީ ޝިޔާމްގެ ނަން އިއްވާ މަޖިލީހުގެ ތަޅުން ދޫކުރައްވާ ވަޑައިގަތުމަށް އަންގަވާފައެވެ.
ނަމަވެސް އެކަމަށް ޝިޔާމް ދެކޮޅު ހެދުމުން އެމްޑީޕީ މެމްބަރުން އޭނާ ތަޅުމުން ނެރެން މަސައްކަތް ކޮށް އެ މެމްބަރުންނާ ދެމެދު ކޮންމެވެސް ވަރެއްގެ ކުރިމަތިލުންތަކެއް ހިނގާ ޝިޔާމަށް ވަނީ އަނިޔާ ވެފައެވެ.
މިކަން ކަމާ ގުޅޭ ގުޅޭގޮތުން ޗެނަލް13 އަށް ރޭ ދެއްވި އިންޓަވިއުއެއްގައި އަދުރޭ ވިދާޅުވީ މަޖިލީހުން ފެނިގެންދިޔައީ ރިޔާސީ އަދި ބަރުލަމާނީ ނިޒާމެއްގެ ސިފަތަކެއް ނޫން ކަމަށެވެ. އަދި ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލުކުރަން ބޭނުންވިޔަސް ކަންކުރަން ޖެހޭނެ ގޮތުގެ އުސޫލު ގާނޫނު އަސާސީގައި ބަޔާންކޮށްފައިވާއިރު އެ އުސޫލުން އަމަލުކުރުމަށް ވެސް އަދުރޭ ވަނީ ގޮވާލާފައެވެ.
"މި ފެނިގެންދިޔައީ އަނިޔާވެރިކަމުގެ ސިފަ، ހުދުމުހުތާރުކަމުގެ ސިފަ، ލާއިންސާނިއްޔަތުގެ ސިފަ، ދެން އެހެން ގޮސް މިކަހަލަ ހުރިހާ ސިފަތަކެއް މި ފެނިގެންދިޔައީ" އަދުރޭ ވިދާޅުވިއެވެ.
އަދުރޭ ވިދާޅުވީ ގާނޫނު އަސާސީ އަށް ބަދަލު ގެނައުމުގެ ބާރު އެމްޑީީޕީ އަށް އޮތްއިރު، އަނިޔާވެރި ގޮތަކަށް ރޭ މަޖިލީހުގައި ކަން ކުރުމުން ދޭހަވަނީ އަނިޔާވެރިކަމުގެ ސިފަތައް އެމްޑީޕީ މެމްބަރުންގެ ގައިގައި އަށަގެންފައި ހުރި މިންވަރު ކަމަށެވެ.
Ads by STO
