ކައުންސިލް "އިންތިޒާރު" ފަސްކުރިޔަސް ކާމިޔާބެއް ނުލިބޭނެ: މުސްތަފާ
ލޯކަލް ކައުންސިލު އިންތިހާބު "އިންތިޒާރަކަށް" ހަދާފައިވާ ކަމަށް ބުނެ، ތިމަރަފުށީ ދާއިރާގެ މެންބަރު މުހައްމަދު މުސްތަފާ ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ.
ސިއްހީ ނުރައްކަލުގެ ހާލަތުގެ މުއްދަތު އިތުރުކުރުމާ ގުޅިގެން ލޯކަލް ކައުންސިލް އިންތިހާބު އަނެއްކާ ވެސް ވަނީ މުއްދަތެއް ނޭނގޭ ގޮތަށް ފަސްވެފައެވެ.
މިކަމަށް ފާޑު ވިދާޅުވަމުން މުސްތަފާ ވިދާޅުވީ ލޯކަލް ކައުންސިލް އިންތިޚާބަށް ކުރަންޖެހޭ އިންތިޒާރު ދިގު ކުރިޔަސް މިސަރުކާރަށް އިންތިޚާބު ކާމިޔާބު ނުކުރެވޭނެ ކަމަށެވެ.
ރައްޔިތުން ޤައުމުގެ ވެރިކަން ހަވާލުކޮށް، ޤައުމުގެ ހުރިހާ ބާރެއް ހަވާލު ކުރުމުން ވެސް ވެރިކަން ކުރަން ނޭނގުމަކީ އެކަމުގެ ޒިންމާ ރައްޔިތުން ނަގަން ޖެހޭނެ ކަމެއް ނޫން ކަމަށާއި، މިސަރުކާރަކީ ވެރިކަން ކުރުމުގެ ޤާބިލްކަމެއް ހުރި ބަޔަކު ތިބި ސަރުކާރެއް ނޫންކަމަށް މުސްތަފާ ވިދާޅުވިއެވެ.
ސަރުކާރުން ލޯކަލް އިންތިހާބު ލަސްކުރަން އުޅޭ ކަމަށް ބުނެ އިދިކޮޅު ފަރާތްތަކުން އަންނަނީ ސަރުކާރަށް ވަރަށް ބޮޑަށް ފާޑު ކިޔަމުންނެވެ.
