އަލްޙަމްދު ލިﷲ! ރާއްޖެއިން ކޮވިޑަށް ޝިފާ ލިބުނު މީހުންގެ އަދަދު 773 އަށް
ރާއްޖެއިން ކޮވިޑް-19އަށް ފައްސިވި މީހުންގެ ތެރެއިން އިތުރު 10 މީހަކު ބަލިން ރަނގަޅުވެއްޖެއެވެ.
އެޗްޕީއޭއިން އާންމުކުރި ތަފާސްހިސާބަށް ބަލާއިރު ރާއްޖެއިން މިހާތަނަށް ކޮވިޑް-19 ޖެހުނު މީހުންގެ ތެރެއިން 773 މީހަކު ވަނީ މި ބަލިން ރަނގަޅުވެފައެވެ.
ދިފާއީ ނިޒާމް ރަނގަޅު މީހުން ބަލިން ރަނގަޅުވުމުން ދޫކޮށްލާއިރު ބަލިހުރިތޯ ބެލުމަށްހަދާ ޕީސީއާރު ޓެސްޓު ނުހަދާގޮތަށް އެޗްޕީއޭއިން ވަނީ ނިންމާފައެވެ. ރާއްޖޭގައި މިހާތަނަށް ބަލި ޖެހޭ މީހުން ދޫކޮށްލަނީ ބަލިން ރަނގަޅުވުމަށްފަހު ޕީސީއާރު ޓެސްޓްހަދާ އެމީހަކު ދެފަހަރަށް ފައްސިވުމުންނެވެ.
ރާއްޖެއިން ބަލި ޖެހޭ މީހުންގެ ތެރެއިން ބަލިން ރަނގަޅުވާ އިންސައްތަ މިހާރު ވަނީ 40 އިންސައްތައަށް ވުރެ މައްޗަށް ގޮސްފައެވެ.
މިހާތަނަށް ރާއްޖެއިން މިހާތަނަށް މީހަކަށް ބަލި ޖެހިފައިވާއިރު 8 މީހަކު ވަނީ މި ބަލި ޖެހިގެން ނިޔާވެފައެވެ. މީގެ ތެރޭގައި ހިމެނެނީ 4 ދިވެހިންނާއި 4 ބިދޭސީންނެވެ.
