މަންޑޭގެ މަންމަގެ ފައުންޑޭޝަނުން ޓެކްސީ އެސޯސިއޭޝަނަށް 1000 މާސްކާއި، 1000 އަންގި ހަދިޔާ ކޮށްފި
ޒުވާން ވިޔަފާރިވެރިޔާ ހަސަން މަމްދޫހު (މަންޑޭ)ގެ މަންމަގެ ފައުންޑޭޝަން، ޝަރީފާ ފަައުންޑޭޝަނުން، ޓެކްސީ އެސޯސިއޭޝަނަށް 1000 މާސްކާއި، 1000 އަންގި ހަދިޔާ ކޮށްފިއެވެ.
މަންޑޭގެ އެހީގެ ޕްރޮގްރާމް ހިންގުމުގައި އިސްކޮށް ހަރަކާތްތެރިވި ހުސައިން ނައީމް "ވަގުތު" ނޫހަށް އަށް ވިދާޅުވީ މަންޑޭގެ މަންމަގެ ފައުންޑޭޝަންގެ ނަމުގައި 1000 މާސްކާއި، 1000 އަންގި ޓެކްސީ އެސޯސިއޭޝަނަށް ހަދިޔާކޮށްފައިވާ ކަމަށެވެ.
ކޯވިޑާ ގުޅިގެން ކެޕާކް ރެސިޑެންސްގެ މެނޭޖިންގ ޑިރެކްޓަރ މަމްދޫހު ރާއްޖޭގެ ހުރިހާ ރަށަކަށް އެހީވުމުގެ ޕްރޮގާރާމެއް ފައްޓަވާފައިވަނީ މިދިޔަ މެއި މަހުގެ ކުރީ ކޮޅުގައެވެ. އެގޮތުން، މާސްކް، އަންގި، ސެނިޓައިޒަރ އަދި ހޭންޑް ވޮޝް އެކި ރަށްރަށަށް ހަދިޔާކޮށްފައިވެއެވެ.
ފުރަތަމަ ފިޔަވަހީގައި ރާއްޖޭގެ ހުރިހާ ރަށަކަށް އެހީވެދިނުމަށްފަހު، ދެން އޮންލައިނަށް ދެއްވި އިންޓަވިއުއެއްގައި މަންޑޭގެ ފަރާތުން ހުސައިން ވިދާޅުވީ، އޭނާ ފެށި މަސައްކަތް މިހާ ބާރު ސްޕީޑުގައި ނިންމާލެވުނީތީ ވަރަށް އުފާކުރައްވާ ކަމަށެވެ. އޭނާ ފެއްޓެވި މަސައްކަތްތަކަށް ކައުންސިލްތަކުންނާއި ޓާސްކް ފޯސްތަކުން ވަރަށް ބޮޑު އެއްބާރުލުމެއް ލިބުނުކަން ފާހަގަކުރައްވަމުން މަންޑޭ ވިދާޅުވީ، ކައުންސިލްތަކުން ރައްޔިތުންނަށް މިފަދަ ކަންކަން މަގުފަހިކޮށްދޭން ވަރަށް ބޮޑަށް މަސައްކަތްކުރައްވާ ކަމަށެވެ. އަދި އޭނޭގެ ފަހަތުގައިވާ ޓީމަށް ވަނީ ވަރަށް ޙާއްސަ ޝުކުރެެއް އަދާކޮށްފައެެވެ.
