އިންކަމް ސަޕޯޓް އެލަވަންސަށް އެދޭ މުއްދަތު އިތުރު ކޮށްފި
ރާއްޖޭގައި ވެސް ކޮވިޑް-19 ފެތުރުމާއި ގުޅިގެން އާމްދަނީއަށް އަސަރު ކޮށްފައިވާ ފަރާތްތަކުން މިދިޔަ މަހުގެ އިންކަމް ސަޕޯޓް އެލަވަންސަށް އެދުމުގެ މުއްދަތު އިތުރުކޮށްފިއެވެ.
ކުރިން އެއެލަވަންސަށް އެދުމުގެ ސުންގަޑި ހަމަވެފައިވަނީ އިއްޔެގެ ނިޔަލަށެވެ.
އިކޮނޮމިކް މިނިސްޓްރީން ބުނެފައިވާ ގޮތުގައި މިމުއްދަތު އިތުރު ކޮށްފައިވަނީ ގިނަބަޔަކަށް އެފުރުސަތު ދިނުމަށެވެ. ނަމަވެސް އެލަވަންސަށް އެދުމުގެ މުއްދަތު އިތުރުކޮށްފައިވަނީ ކޮންދުވަހަކާއި ހަމައަށް ކަމެއް އަދި އެމިނިސްޓްރީން ހާމަކޮށްފައެއް ނުވެއެވެ.
މިކަމާއި ގުޅޭގޮތުން އެމިނިސްޓްރީންކުރި އިއުލާނެއްގައި ބުނެފައިވަނީ މެއި މަހުގެ އެލަވަންސަށް އެދި ހުށަނާޅާތިބި ފަރާތްތަކުން ފޯމު ފުރިހަމަ ކުރުމަށްފަހު، އެއެލަވަންސަށް އެދި ހުށަހެޅުމަށެވެ.
އިންކަމް ސަޕޯޓް އެލަވަންސް ހުށަހަޅަން ހަމަޖެހިފައިވަނީ ޖޮބް ސެންޓަރު މެދުވެރިކޮށް އޮންލައިން ފޯމަކުންނެވެ. އީމެއިލް މެދުވެރިކޮށް ވެސް އެ ފޯމު ހުށަހެޅެ އެވެ.
