ސަމާލުވޭ! އެސްޓީއޯގެ ހުއްދަ ނެތި އެކުންފުނީގެ ލޯގޯޖެހި މާސްކުތަކެއް ބަޔަކު ވިއްކަނީ
ކޮވިޑް19އާ ގުޅިގެން ބައެއް ފަރާތްތަކުން ވިޔަފާރީގެ ބޭނުމަށް ވިއްކަމުންދާ ފޮތި މާސްކުގައި އެސްޓީއޯގެ ވިޔަފާރި ލޯގޯ ޖަހާފައިވާ މާސްކު ތައްޔާރުކޮށް ވިއްކަމުން ދާކަން ފާހަގަ ކުރެވިފައިވާ ކަމަށް އެސްޓީއޯއިން ހާމަކޮށްފިއެވެ.
އެސްޓީއޯއިން ނެރެފައިވާ ނޫސްބަޔާނެއްގައި ބުނެފައިވަނީ އެސްޓީޢޯގެ ލޯގޯ ބޭނުންކޮށްގެން މާސްކުތަކެއް ހަދައިގެން ވިއްކަނީ އެސްޓީއޯ ގެ ހުއްދައެއް ނެތިކަމަށެވެ.
އަދި އެކުންފުނިން ވަނީ އެސްޓީއޯގެ ލޯގޯ ޖެހި މާސްކް ތައްޔާރުކޮށް ވިއްކުން ހުއްޓާލުމަށް އެކަން ކުރަމުންދާ ފަރާތްތަކަށްލްތިމާސްކޮށްފައެވެ. އަދި އެކުންފުނީގެ ހުއްދަ ނެތި މިފަދަ އަމަލުތައް ނުކުރުމަށް އެސްޓީއޯއިން އެދިފައިވެއެވެ.
ކޮވިޑް19 އާއި ގުޅިގެން ރައްކާތެރިވުމަށް ބޭނުން ކުރާ ތަފާތު އެކި އެއްޗެހީގެ އަގު އުފުލި ވިޔަފާރި ވަނީ ވަރަށް ރަނގަޅުވެފައެވެ. އޭގެ ތެރޭގައި މާސްކާއި ފޮތި މާސްކު ވެސް ހިމެނެއެވެ. ބައެއް މީހުން އަންނަނީ ގޭގައި މާސްކު ފަހައިގެން ވެސް ވިއްކަމުންނެވެ.
