ޤުރްއާން ކްލާހެއް ހިންގުމުގެ ބަހަނައިގައި ދަރިވަރުންތަކަކަށް ޖިންސީ ގޯނާކޮށްފި!
އުތުރުގެ ރަށެއްގައި ޤުރްއާން ކްލާހެއް ހިންގުމުގެ ބަހަނައިގައި އުޅުނު މީހަކު އޭނާގެ ފިރިހެން ދަރިވަރުންތަކަކަށް ޖިންސީ ގޯނާ ކުރި މައްސަލައެއް ފެންމަތިވެއްޖެއެވެ.
ފުލުހުންގެ މީޑިއާ އޮފިޝަލަކު ވިދާޅުވީ، އެއީ އުތުރުގެ ރަށެއްގައި ޤުރްއާން ކްލާހެއް ހިންގާ އުމުރުން 28 އަހަރުގެ ދިވެހި ފިރިހެނެއް ކަމަށާއި އޭނާ ޖިންސީ ގޯނާ ކޮށްފައިވަނީ އުމުރުން 18 އަހަރު ނުފުރޭ ފިރިހެން ކުދިންތަކަކާއި ކަމަށެވެ.
މީގެއިތުރުން ފުލުހުން ވިދާޅުވީ މިމައްސަލަ ހުށަހަޅާފައިވަނީ މިމަހުގެ 6 ވަނަ ދުވަހު ކަމަށާއި ނަމަވެސް އަދި މިމައްސަލައިގައި އެއްވެސް މީހަކު ހައްޔަރު ކޮށްފައިނުވާ ކަމަށެވެ.
ފުުލުހުން ދަނީ މިމައްސަލަ ތަހުގީގު ކުރަމުންނެވެ. ކުޑަކުދިންނާއި ގުޅުންހުރި މައްސަލަތަކަކީ ސީރިއަސްކޮށް ބަލަމުންދާ މައްސަލަތަކެއްކަމުން، ކުދިންގެ ރައްކާތެރި ކަމަށްޓަކައި، އެކުދިންގެ އަތޮޅާއި ރަށް ފުލުހުން ހާމަކޮށްފައެއް ނުވެއެވެ.
Ads by STO
