ފަތުރުވެރިކަން އިޝްތިހާރު ކުރުމުގެ ވީޑިއޯގައި މިނިސްޓަރ ޢަލީ ވަޙީދު
ކޮވިޑް19 އާއި ގުޅިގެން ބަންދުކޮށްފައިވާ ބޯޑަރުތައް ހުޅުވާލާ އަންނަ ޖުލައިމަހު ރާއްޖޭގެ ޓޫރިޒަމްގެ ސިނާއަތް ފެށުމަށް ސަރުކާރުން ދަނީ ތައްޔާރުވަމުންނެވެ. މިގޮތުން ޓޫރިޒަމް އިޝްތިހާރު ކުރުމަށް ޓޫރިޒަމް މިނިސްޓްރީން ވަނީ އިޝްތިހާރެއް ތައްޔާރުކޮށް ސޯޝަލް މީޑިއާއަށް ދޫކޮށްލާފައެވެ. މި ވީޑިއޯގެ ޚާއްޞަކަމަކަށް ފެނިގެން ދިޔައީ މިނިސްޓަރ ޢަލީ ވަޙީދުގެ ރޯލެވެ.
ޢަލީ ވަޙީދު ކުޅުއްވާފައިވާ މިވީޑިއޯގައި އިވިގެން ދަނީ ވެސް އެމަނިކުފާނުގެ އަޑެވެ.
ހިތްގައިމު ފިނޮޅެއްގައި ޝޫޓްކޮށްފައިވާ މިވީޑިއޯގައި ،ޖުލައި މަހުގައި ޓުއަރިޒަމް އަލުން ހުޅުވާލާނެ ކަމަށް ވިދާޅުވަމުން މިނިސްޓަރ ގޮވާލައްވާފައިވަނީ ރާއްޖެއަށް ޒިޔާރަތް ކުރުމަށް ތައްޔާރުވުމަށެވެ.
" އަހަރެމެން މިހުޅުވާލަނީ އަލުން ، އެހެންކަމުން ދަބަސް ޕެކްކޮށް ރާއްޖެއަށް ޒިޔާރަތް ކުރުމަށް ތައްޔާރުވެލައްވާ ، އިރުގެ އަލިކަމުން (ރާއްޖެ) އަލުން ވިދާލައިގެން ދާނެ" ކޮވިޑް19ގެ ފުރަބަންދުން މިނިވަންވުމަށް އިޝާރާތް ކުރައްވާ އެމަނިކުފާނު ވިދާޅުވިއެވެ.
