މަޖިލީހުގެ ޖަލްސާތައް ބޮއިކޮޓެއް ނުކުރަން: ޖޭޕީ
ރައްޔިތުންގެ މަޖިލީހުގެ ޖަލްސާތައް ބޮއިކަޓް ކުރަން ޖުމްހޫރީ ޕާޓީން ނިންމާފައި ނުވާނެކަމަށް އެޕާޓީން ބުނެފި އެވެ.
ޖޭޕީން މިހެން ބުނީ މަޖިލީހުގެ މިއަދުގެ ޖަލްސާ އެ ޕާޓީން ބޮއިކޮޓް ކޮށްފައިވާކަން ފާހަގަ ކުރެވޭ ކަމަށް ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝިދު ވިދާޅުވުމާ ގުޅިގެންނެވެ.
މިކަމާ ގުޅިގެން ޖޭޕީގެ ޗީފް ސްކޯޕްކްސްޕާސަން އަލީ ސޯލިހު ވިދާޅުވީ އެއީ ކަނޑައެޅިގެން ދޮގެއް ކަމަށާއި މަޖިލީހުގެ ޖަލްސާތައް އެޕާޓީގެ މެމްބަރުން ބޮއިކަޓް ކުރުމަށް ނިންމާފައި ނުވާނެކަމަށެވެ. އަދި މިއަދުގެ ޖަލްސާގައިވެސް ޖޭޕީގެ މެމްބަރުން ބައިވެރިވާނެ ކަމަށް އޭނާ ވިދާޅުވި އެވެ.
އަލީ ސޯލިހު ވިދާޅުވީ ކޮވިޑާ ގުޅިގެން މަޖިލިސް ކުރިއަށް ގެންދިއުމުމަށް އިރުޝާދުތަކެއް ދީފައިވާއިރު އެޕާޓީގެ ހުރިހާ މެމްބަރުން އެކުގައި ޖަލްސާތަކުގައި ނުފެނިދާނެ ކަމަށާއި ނަމަވެސް ކޮންމެހެން ބާއްވަންޖެހޭ ޖަލްސާތަކުގައި ހުރިހާ މެމްބަރުންވެސް ޖަލްސާއަށް ހާޒިރުވާނެކަމަށެވެ.
މިއަދުގެ ޖަލްސާގައި ވާހަކަފުޅު ދައްކަވަމުން މަޖިލިސް ރައީސް ވިދާޅުވީ، މަޖިލީހުގެ ތަޅުމަށާއި މަޖިލީހުގެ ހާޒިރީއަށް ބަލާއިރު، ޖުމްހޫރީ ޕާޓީން ބޮއިކޮޓްގައި ތިބިކަން ފާހަގަވާ ކަމަށެވެ.
ގާނޫނުއަސާސީ އިސްލާހު ކުރުމަށް ބޭއްވި ރައްޔިތުންގެ މަޖިލީހުގެ ޖަލްސާގައި ހިނގި ހަމަނުޖެހުންތަކާ ގުޅިގެން އިދިކޮޅު ޕްރޮގްރެސިވް ކޮންގްރެސް ކޯލިޝަންގެ ވަނީ އިއްޔެއާއި މިއަދުގެ ޖަލްސާ ބޮއިކޮޓް ކޮށްފައެވެ.
Ads by STO
