އިދިކޮޅުގެ އަޑުނެތި މަޖިލިސް ހިންގަވަން ރައީސް ނަޝީދު އުޅުއްވުމަކީ ވަރަށް ކަންބޮޑުވާ ކަމެއް: ނާޒިމް
އިދިކޮޅު ޕާޓީތަކުގެ މެމްބަރުން ނެތި މަޖިލިސް ހިންގަވަން ރައީސް މުހައްމަދު ނަޝީދު އުޅުއްވުމަކީ ވަރަށް ކަންބޮޑުވާ ކަމައް ކަމަށް ދަނގެތި ދާއިރާގެ މެމްބަރު މުހައްމަދު ނާޒިމް ވިދާޅުވެއްޖެއެވެ.
Ads by Hajj Corporation
ނައިފަރު ދާއިރާގެ މެމްބަރުން އަހުމަދު ޝީޔާމަށް މަޖިލީހުގައި އަނިޔާކުރި ކަމަށް ބުނެ އިއްޔެ އާއި މިއަދުގެ މަޖިލިސް ޖަލްސާވެސް އިދިކޮޅު ކޯލިޝަނުން ވަނީ ބޮއިކޮޓު ކޮށްފައެވެ.
މިކަމާ ގުޅިގެން މިއަދުގެ ޖަލްސާގައި ނަޝީދު ވިދާޅުވީ އިދިކޮޅު މެމްބަރުން މަޖިލީހަށް ވަޑައިނުގަންނަވާކަން އެހާ ބޮޑަށް ފާހަގަނުކުރެވޭ ކަމަށާއި އެހެންއެވަނީ އެއީ ކުރިން ވެސް އެހާ ގިނައިން މަޖިލީހަށް ވަޑައިގަންނަވާ މެމްބަރުންނަށް ނުވާތީ ކަމަށް ވެދާނެ ކަމަށެވެ.
ނަޝީދުގެ އެ ވާހަކަތަކަށް އިޝާރާތް ކުރައްވާ ނާޒިމް ވިދާޅުވީ މައިނޯރިޓީގެ އަޑުނެތި މަޖިލިސް ހިންގަވަން ރައީސް ނަޝީދު އުޅުއްވުމަކީ ވަރަށް ކަންބޮޑުވާ ކަމެއް ކަމަށެވެ.
Minority ge adu nethi @mvpeoplesmajlis hingavan Majlis Raees @MohamedNasheed ulhuvvumakee varah bodu kanboduvumeh.
"Even if I you in a minority of one, the truth is still the truth." — Mahatma Gandhi
— Col(rtd)Mohamed Nazim MP (@nazim7878) June 9, 2020
މިއަދުގެ ޖަލްސާގައި ނަޝީދު ވަނީ ނާޒިމް ހިމެނިވަޑައިގަންނަވާ ޕާޓީ، ޖުމްހޫރީ ޕާޓީން މިއަދުގެ ޖަލްސާ ބޮއިކޮޓް ކޮށްފައިވާކަން ފާހަގަ ކުރެވޭ ކަމަށެވެ.
ނަޝީދުގެ މި ވާހަކަ ޖޭޕީން ވަނީ ދޮގުކޮށްފައެވެ. އަދި އެ ޕާޓީން ވަނީ ނަޝީދުގެ ވާހަކަ ކުއްވެރި ކޮށްފައެވެ.
Ads by STO
