ސައީދު، ނަޝީދަށް: ފުލުހުންގެ ފަހަތުން ނޫޅެ ގައުމުގެ ތަރައްގީއަށް ގާބުރިއެއް ނަމަވެސް ބާއްވާލަ ދެއްވާ!
އަބަދު ފުލުހުންގެ ފަހަތުން ނޫޅެ ގައުމުގެ ތަރައްގީއަށް ގާބުރިއެއް ނަމަވެސް ބާއްވާލަ ދެއްވުމަށް މާވަށު ދާއިރާގެ މެމްބަރު މުހައްމަދު ސައީދު، ރައްޔިތުންގެ މަޖިލީގެ ރައީސް، ރައީސް މުހައްމަދު ނަޝީދަށް ގޮވާލައްވައިފިއެވެ.
ސައީދު މިހެން ވިދާޅުވީ އެމްއެމްޕީއާރުސީގެ ޚިޔާނާތުގެ ބައިވެރިން ކަމަށް ތުހުމަތު ކުރެވޭ ފުލުހުންތަކެއް މަގާމުތަކުގައި އެބަ ތިބި ކަމަށާއި އެ މައްސަލަ ރަނގަޅަށް ތަހުގީގު ކުރެވޭނީ އެ ފުލުހުން ސަސްޕެންޑް ކޮށްގެން ކަމަށް، މިއަދުގެ ޖަލްސާގައި ނަޝީދު ވިދާޅުވުމާ ގުޅިގެންނެވެ.
ސައީދު ކުރެއްވި ޓްވީޓެއްގައި ވިދާޅުވީ ލިބޭ ކޮންމެ ފުރުސަތެއްގައި ފުލުހުންގެ ފަހަތުން ނޫޅެ ގައުމުގެ ތަރައްގީއަށް ގާބުރިއެއް ނަމަވެސްބާއްވާލުމަށް ރައްޔިތުން އެބަ އާދޭސް ކުރާ ކަމަށެވެ.
"ކޮން ބާރެއް ނުލިބިގެންތޯ މިއަދު މިވަރު މިވަނީ؟ އެމްޑީޕީގެ ލީޑަރަކީ ހަމަ ސާފު ތޯހިރު މައުސޫމް ތުއްތު ކުއްޖެއްތޯ؟" ސައީދު ވިދާޅުވިއެވެ.
Libey komme furusathegga fuluhunge fahathun noolhe gaumuge tharaggee ah gaaburi eh namaves bevvumah rayyithun eba aadheyskurey. Konbaareh nulinigen tho miadhu mivaru mivanee? MDP ge leaderakee hama saafu thohiru mausoom thuthu kujjetho? https://t.co/zW3b4I2fNA
— Mohamed Saeed (@em_saeed) June 9, 2020
ސަރުކާރުގެ ފަރާތުން ހެންވޭރު ހުޅަނގު ދާއިރާގެ އެމްޑީޕީގެ މެމްބަރު ހަސަން ލަތީފް، ހުށަހަޅުއްވައިފައިވާ ދިވެހި ފުލުހުންގެ ހިދުމަތުގެ ބިލަށް ބަހުސް ކުރައްވަމުން އެމްޑީޕީގެ ގިނަ މެމްބަރުން ވަނީ ފުލުހުންނަށް ފާޑު ވިދާޅުވެފަ އެވެ.
ނަޝީދު ވިދާޅުވީ، ފުލުހުންގެ ތެރޭގައި "އަޑީ ދައުލަތެއް" އޮތް ކަމަށް ފާހަގަ ކުރެއްވޭ ކަމަށެވެ. އޭގެ ތެރެއިން، ތަހުގީގުތައް އެ މީހުން އަނބުރާލާ ކަމަށް ވެސް ތުހުމަތު ކުރެއްވި އެވެ.
