މިއީ ޕޮލިސް ރިފޯމް ކުރަންވީ ވަގުތު: އިމްރާން
މިވަގުތަކީ ރައްޔިތުން އެދޭ ބަދަލު ފުލުހުންގެ މުއައްސަސާއަށް ގެނެސް ފުލުހުންގެ މުއައްސަސާ ރިފޯމް ކުރަންވީ ވަގުތު ކަމަށް ހޯމް މިނިސްޓަރު އިމްރާން އަބުދުﷲ ވިދާޅުވެއްޖެ އެވެ.
ރައްޔިތުންގެ މަޖިލީހުގައި މިއަދު ވަނީ ދިވެހި ފުލުހުންގެ ހިދުމަތުގެ ބިލަށް ބަހުސް ފަށާފަ އެވެ. އެކަމާ ގުޅިގެން އިމްރާން ކުރެއްވި ޓްވީޓެއްގައި ވިދާޅުވީ ދިވެހި ފުލުހުންގެ ހިދުމަތުގެ ބިލުގެ މަސައްކަތް މަޖިލީހުގައި ބާރަށް ކުރިއަށްދާ ކަމީ ލިބޭ އުފަލެއް ކަމަށެވެ. އަދި ބިލް ގާނޫނަކަށް ބަދަލުވެގެންދާއިރު ފުލުހުންނާއި ގުޅޭ ކަންކަން ފުރިހަމައަށް ތަރުތީބު ކުރެވިގެންދާނެ ކަމަށެވެ.
"ރައްޔިތުން އިންތިހާބުުރާ ސަރުކާރަށް ފުލުހުންގެ ކަންކަން ފުރިހަމައަށް ބެލެހެއްޓޭނެ އިންތިޒާމް ހަމަޖެހި ރައްޔިތުން އެދޭފަދަ ހިދުމަތްދީ ފުލުހުންގެ މުއައްސަސާ އިތުރަށް ހަރުދަނާ ވެގެން ދާނެ ކަމަށް ޔަގީން ކުިރަން، މިއީ ރައްޔިތުން އެދޭ ބަދަލު ފުލުހުންގެ މުިއައްސަސާއަށް ގެނެސް ފުލުހުން ރިފޯމް ކުރަންވީ މުހިންމު ވަގުތު،" މިނިސްޓަރު ވިދާޅުވި އެވެ.
Dhivehi fuluhunge khidhumathuge bill ge masahkayi majleehugai baarah kuriyah dhaakami libeyufaleh. Bill qanoonakahvaairu MPS aa gulhey kankan furihamayah tharutheebu kurevi, rayyithun inthikhaabkuraa sarukaarah MPS ge kankan furihamayah belehetteyne inthizam hamajehi
— Imran Abdulla (@ShimranAb) June 9, 2020
ސަރުކާރުގެ ފަރާތުން ހެންވޭރު ހުޅަނގު ދާއިރާގެ އެމްޑީޕީގެ މެމްބަރު ހަސަން ލަތީފް ހުށަހަޅުއްވައިފައިވާ ދިވެހި ފުލުހުންގެ ހިދުމަތުގެ ބިލަށް ބަހުސްކުރައްވަމުން، އެމްޑީޕީގެ ގިނަ މެމްބަރުން ވަނީ ފުލުހުންނަށް ފާޑުވިދާޅުވެފަ އެވެ.
މިއަުގެ ޖަލްސާގައި މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވީ މޯލްޑިވްސް މާކެޓިން އެންޑް ޕަބްލިކް ރިލޭޝަންސް (އެމްއެމްޕީއާރުސީ)ގެ 1.3 ބިލިއަން ރުފިޔާގެ ޚިޔާނާތުގެ ބައިވެރިން ކަމަށް ތުހުމަތު ކުރެވޭ ފުލުހުންތަކެއް މަގާމުތަކުގައި އެބަ ތިބި ކަމަށާއި އެ މައްސަލަ ރަނގަޅަށް ތަހުގީގު ކުރެވޭނީ އެ ފުލުހުން ސަސްޕެންޑް ކޮށްގެން ކަމަށެވެ.
ދިވެހި ފުލުހުންގެ ހިދުމަތުގެ ބިލުގައި ބުނެފައިވާ ގޮތުން، ވަކިވަކި ފުލުހުންނަށް އަމުރުކުރުމުގެ ބާރެއް މިނިސްޓަރަށް ލިބިގެން ނުވެ އެވެ. އޭގެ އިތުރުން މިނިސްޓަރުގެ ޒިންމާތަކާއި މަސްއޫލިއްޔަތުތައް މިހާރަށް ވުރެ ސާފުކޮށް ބަޔާންކުރުމާއި ޕޮލިސް ކޮމިޝަނާ އާއި ޑެޕިއުޓީ ކޮމިޝަނަރު އައްޔަން ކުރުމުގެ އިޖްރާއާތު ހަރުދަނާކޮށް، މަގާމުގެ ޝަރުތުތައް ކަނޑައެޅުން ވެސް ހިމެނެ އެވެ.
ވަކިވަކި ފުލުހުންނަށް އަމުރުކުރުމުގެ ބާރު މިނިސްޓަރަށް ނުލިބޭ ގޮތަށް އެ ބިލުގައި ހިމަނާފައިވާއިރު، މިހާރު ފުލުހުންގެ ގާނޫނު އޮންނަ ގޮތުން ފުލުހުންގެ އެންމެ އިސްވެރިޔާގެ ހައިސިއްޔަތުން ވަކިވަކި ފުލުހުންނާއި ހުރިހާ ފުލުހުންގެ މައްޗަށް ވެސް އަމުރު ކުރުމުގެ ބާރު ހޯމް މިނިސްޓަރަށް އޮވެ އެވެ.
