ބޮޑެތި ތުހުމަތުތަކަކާއެކު ހދ. ޖުޑީޝަލްގެ އިސް މެޖިސްޓްރޭޓް ސަސްޕެންޑްކޮށްފި

ހދ. ޖުޑީޝަލް ދާއިރާގެ އިސް މެޖިސްޓްރޭޓް މުހައްމަދު މައުސޫމުގެ މައްޗަށް ބޮޑެތި ތުހުމަތުތަކެއް ކޮށް އޭނާ ސަސްޕެންޑް ކުރަން ޖުޑިޝަލް ސާވިސް ކޮމިޝަން (ޖޭއެސްސީ) އިން ނިންމައިފި އެވެ.

Ads by Sosun Fihaara

ޖޭއެސްސީއިން މިއަދު ވީޑިއޯ ކޮންފަރެންސްކޮށް ބޭއްވި ބައްދަލުވުމެއްގައި ނިންމާފައި ވަނީ މައުސޫމާ ގުޅޭ ތުހުމަތުތައް ތަހުގީގު ކުރުމަށެވެ.

ޖޭއެސްސީން ބުނީ މައުސޫމް ފާޅުގައި ރިޝްވަތު ނަގާ ކަމަށް ސޯޝަލް މީޑިއާގައި ފެތުރެމުންދިޔަ ޕޯސްޓުތަކަކާ ގުޅޭ މައްސަލައަކާއި، ޖިންސީ ފުރައްސާރައިގެ މައްސަލައަކާއި، އެނޫން ވެސް މައްސަލަތަކެއް އެ ކޮމިޝަނުން ދަނީ ބަލަމުން ކަމަށެވެ.

ތަހުގީގު ކޮމިޓީން މައްސަލައިގެ ތަހުގީގު ފުރިހަމަކޮށް، ކޮމިޝަނުން ވަކިގޮތެއް ކަނޑައަޅަންދެން އޭނާ 60 ދުވަހަށް ސަސްޕެންޑް ކުރަން ވަނީ ނިންމާފަ އެވެ.