2026ވަނަ އަހަރުގެ ފުރަތަމަ ފަތުރުވެރިޔާއަށް މަރުޙަބާ ކިޔައިފި

އަހަރުގެ އެންމެ ފުރަތަމަ ފަތުރުވެރިޔާއަށް މޯލްޑިވްސް އެއަރޕޯޓްސް ކޮމްޕެނީ ލިމިޓެޑް(އެމްއޭސީއެލް)އިން ހޫނު މަރުޙަބާއެއް ކިޔައިފިއެވެ.

2026ވަނަ އަހަރު ރާއްޖެއަށް ޒިޔާރަތްކުރި ފުރަތަމަ ފަތުރުވެރިއަކީ ޖަރުމަންވިލާތުގެ ރައްޔިތެއް ކަމަށްވާ ތޯމަސް އެންޑްރިއާސް ހެލްވެގާރއެވެ. ތޯމަސް ރާއްޖެ އައިސްފައި ވަނީ އިއްތިހާދު އެއަރވޭސްގެ ފްލައިޓަކުންނެވެ. މިއީ އޭނާ ރާއްޖެއަށް ޒިޔާރަތްކުރި ފުރަތަމަ ފަހަރެވެ.

https://twitter.com/MACLmedia/status/2006606125458952441

ޓޫރިޒަމް މިނިސްޓްރީގެ ސްޓެޓިސްޓިކްސްއިން ދައްކާ ގޮތުން ފާއިތުވި އަހަރު ރާއްޖެއަށް އައިސްފައި ވަނީ 2,232,080 ފަތުރުވެރިންނެވެ. މިއީ 2024ވަނަ އަހަރު އައި 2,033,403 ފަތުރުވެރިންނާ އަޅައިބަލާއިރު 9.8 ޕަސެންޓް އިތުރުވުމެކެވެ. 2025ވަނަ އަހަރު އެންމެ ގިނައިން ފަތުރުވެރިން އައިސްފައި ވަނީ ޗައިނާއިންނެވެ. އެ ގައުމުން 329,006 ފަތުރުވެރިން އައިސްފައިވެއެވެ.