ކަނޑޫދޫ ގޮނޑުދޮށް ސަރަހައްދުން މިނިކަށިތަކެއް ފެނިއްޖެ

ތ. ކަނޑޫދޫ ގޮނޑުދޮށުން މިއަދު މެންދުރު މިނިކަށިތަކެއް ފެނިއްޖެއެވެ.

Ads by Hajj Corporation

ކަނޑޫދޫ ކައުންސިލުގެ ނައިބު ރައީސް މުޙައްމަދު ނަވާޒް "ދެން" އަށް މައުލޫމާތު ދެއްވަމުން ވިދާޅުވީ މިތަކެތި ފެނުނީ މިއަދު މެންދުރު 12:00 ހާއިރު ރަށުގެ އާއްމު ރައްޔިތަކަކަށް ކަމަށެވެ.

"ފުލުހުން އައިސް އެތަކެތީގެ ސާމްޕަލް ނަގާފަ މިހާރު ވަޅުލައިފި. ކަނޑޫދަ އެދިމާލު އެއްގަމުގަ ވަޅުލީ" ނަވާޒް ބުންޏެވެ.

ކަނޑޫދޫ ކައުންސިލަރ މުޙައްމަދު އާދަމް ވިދާޅުވެފައިވަނީ، ގޮނޑުދޮށުން ފެނިފައިވަނީ އިންސާނެއްގެ ބޮލެއްގެ ބައެއް ކަމަށާއި އަތެއް ކަމަށް ލަފާ ކުރެވޭ ކަށިތަކެއް ކަމަށެވެ. ފެނުނު ބޮލުގައި ދަތް ހުރިކަމަށް ވެސް އޭނާ ވިދާޅުވިއެވެ.