މުއިއްޒު ފުލުހަށް ހާޒިރުކުރަނީ ފްލެޓްގެ މައްސަލައިގެ ފޯކަސް ގެއްލުވާލަން: ޣައްސާން
ކުރީގެ ހައުސިން މިނިސްޓަރު ޑރ. މުހައްމަދު މުއިއްޒު، ފުލުހަށް ހާޒިރު ކުރަނީ ހިޔާ މަޝްރޫއުގެ ފްލެޓްތައް ހަވާލު ނުކުރެވިވާ މައްސަލައިގެ "ފޯކަސް" ގެއްލުވާލުމުގެ ގޮތުން ކަމަށް ޕީޕީއެމްގެ ނާއިބު ރައީސް އަދި ތ. ގުރައިދޫ ދާއިރާގެ މެންބަރު ޣައްސާން މައުމޫން ވިދާޅުވެއްޖެ އެވެ.
މާދަމާ ރޭ 8:15 ގައި ފުލުސް އޮފީހަށް ހާޒިރުވުމަށް މުއިއްޒު އަށް އަންގާފައިވަނީ ނޫމަޑި ރިސޯޓްސް އެންޑް ރެސިޑެންސް އޭޖީ (ނޫމަޑި) އަށް ބަދަލުދޭން ޖެހުނު މައްސަލައާ ގުޅޭ ތަހުގީގަށެވެ. އެ މައްސަލައިގެ ތަހުގީގަށް މީގެކުރިން ވެސް މުއިއްޒު ފުލުހަށް ހާޒިރުކޮށްފައިވެއެވެ.
އެކަމާ ގުޅިގެން ޣައްސާން ކުރެއްވި ޓްވީޓެއްގައި ވިދާޅުވީ އެއީ ހިޔާ މަޝްރޫއުގެ ފްލެޓްތައް ހަވާލު ނުކުރެވި އޮތް މައްސަލައިގެ ފޯކަސް ގެއްލުވާލުމުގެ ގޮތުން ކުރާ ކަމެއް ކަމަށެވެ. ނަމަވެސް ރައީސް ޔާމީންގެ ސަޕޯޓަކަށް ވެސް އަދި މުއިއްޒުގެ އަޒުމަކަށް ވެސް ބަދަލެއް ނާންނާނެ ކަމަށް ޣައްސާން ވިދާޅުވި އެވެ.
"ރައީސް ޔާމީންގެ ސަޕޯޓަރުންނަށް އަދި މުއިއްޒުގެ އަދި ޕީޕީއެމްގެ އަޒުމަކަށް ވެސް ބަދަލެއް ނާންނާނެ." ޣައްސާން ވިދާޅުވިއެވެ.
Dhivehi rayyithunnah Raees Yameen alhuvvaidhevvi flat thah hagguverinnah havaal nukura massalain focus gelluvaalan @MMuizzu polihah gendhevidhaane. Raees Yameen ge support akah Dr Muizzu ge adhi PPM ge azmakah badhal eh naannaane.
— Mohamed Ghassan Maumoon (@mgmaumoon) June 11, 2020
ނޫމަޑިއަށް ސެޓްލްމެންޓް އެގްރީމެންޓްގެ ދަށުން 848 މިލިއަން ރުފިޔާ ދޭން ޖެހުމާ ގުޅިގެން މުއިއްޒުގެ މައްސަލަ ފުލުހަށް ފޮނުވާފައިވާ ކަމަށް ވިދާޅުވެފައި ވަނީ ފިނޭންސް މިނިސްޓަރު އިބްރާހީމް އަމީރެވެ. އެ
ނޫމަޑި މައްސަލާގައި މީގެ ކުރިން ވަނީ މުއިއްޒު މަޖިލީހުގެ މާލިއްޔަތު ކޮމިޓީއަށް ހާޒިރުކޮށް ސުވާާލު ވެސް ކޮށްފަ އެވެ. އަދި އެ ކޮމިޓީ އަށް ދޮގު މައުލޫމާތު ދިން ކަމަށް ބުނާ މައްސަލައެއް ފުލުސް އޮފީހަށް ހުށަހަޅަން އެ ކޮމިޓީން ފާސްކޮށްފައިވެއެވެ.
