ﷲއަށް ހަމްދުހުރި، އިތުރު 32 މީހަކު ބަލިން ރަނގަޅު ވެއްޖެ

ރާއްޖެއިން ކޮވިޑް-19 އަށް ފައްސިވި މީހުންގެ ތެރެއިން އިތުރު 32 މީހަކު ބަލިން ރަނގަޅު ވެއްޖެއެވެ.

Ads by STELCO

މިއަދު ބަލިން ރަނގަޅުވި 32 މީހުންނާއެކު، ބަލިން ރަނގަޅުވި މީހުންގެ ޖުމްލަ އަދަދު ވަނީ 1153 އަށް އަރާފައެވެ.

މީގެ އިތުރުން މިއަދު އިތުރު 14 މީހަކު ވަނީ ކޮވިޑަށް ފައްސި ވެފައެވެ. މި މީހުންގެ ޖުމްލަ ފައްސިވި މީހންގެ އަދަދު މިހާރު ވަނީ 1976 އަށް އަރާފައެވެ. މީގެތެރެއިން ފަރުވާ ދެމުން މިހާރު އަންނަނީ 813 މީހަކަށެވެ.

މި ބަލީގައި ރާއްޖެއިން 8 މީހަކު ވަނީ ނިޔާވެފައެވެ. އޭގެތެރޭގައި ހިމެނެނީ ބަންގްލަދޭޝްގެ ހަތަރު މީހުންނާއި ހަތަރު ދިވެހިންނެވެ.

ކޮވިޑް-19އާ ގުޅިގެން މާލެ ސަރަހައްދުގައި އިއުލާންކޮށްފައިވާ ލޮކްޑައުންގެ މުއްދަތު، ލުއިތަކާއެކު އިތުރު ތިން ދުވަހަށް އިތުރުކުރަން އެޗްޕީއޭ އިން މިހާރު ވަނީ ނިންމާފައެވެ.