ކެފޭ އަދި ރެސްޓޯރެންޓުތަކުން އަންނަ މަހު ހިދުމަތްދޭން ފަށަނީ
ކެފޭ އަދި ރެސްޓޯރެންޓުތަކުން އަންނަ މަހު ހިދުމަތްދޭން ފަށާނެ ކަމަށް ހެލްތު މިނިސްޓްރީން ބުނެފިއެވެ.
މިރޭ ބޭއްވި ނޫސްވެރިންގެ ބައްދަލުވުމުގައި ހެލްތު މިނިސްޓްރީގެ އެސިސްޓެންޓް ޑިރެކްޓަރު އައިމިނަތު ޝައިނާ އަބްދުﷲ ވިދާޅުވި ހޯމަ ދުވަހުން ފެށިގެން ރެސްޓޯރެންޓް އަދި ކެފޭތަކުން ޓޭކްއަވޭގެ ޚިދުމަތް ދިނުމަށް ހުއްދަ ދޭން ނިންމާފައިވާ ކަމަށެވެ/
"ޖޫން 15 އިން ފެށިގެން ރެސްޓޯރެންޓް ކެފޭތައް މި ހުޅުވެނީ ޓޭކްއަވޭ ޑެލިވަރީއަށް އެކަނި. އެހެންވީމަ މި މުއްދަތުގައި މިހާރު އިން ލެވެލް އަކީ ޑެލިވަރީއަށް، ދެން މީގެ އިތުރުން މި ފުޅާކުރެވެނީ ޓޭކްއަވޭއަށް ހުޅުވާލެވޭގޮތަށް،" ޝައިނާ ވިދާޅުވި އެވެ.
ޝައިނާ ވިދާޅުވިގޮތުގައި ޓޭކްއަވޭގެ ޚިދުމަތް ހޯދަން ދާ މީހުން ވެސް އިޖުތިމާއީ ގައިދުރުކަން ބަހައްޓައި ސަލާމަތީ ރައްކާތެރިކަމުގެ ފިޔަވަޅުތައް އެޅުމަކީ އެންމެ އެދެވިގެންވާ ގޮތެވެ.
މާލޭގައި އޭޕްރިލް 15 ވަނަ ދުވަހު އިއުލާންކުރެވުނު ފުރަބަންދުގެ މުއްދަތު މިރޭ ވަނީ ޖޫން މަހުގެ 15 ވަނަ ދުވަހާއި ހަމަޔަށް އިތުރުކޮށްފަ އެވެ. އެންއީއޯސީއިން މިރޭ ބުނިގޮތުގައި މި މުއްދަތު ހަމަވުމުން މާލެ ސިޓީގައި ހުއްދައަކާއި ނުލައި އާންމުންނަށް ވަކި ގަޑިތަކެއްގައި ބޭރުގައި އުޅެވޭނެ އެވެ.
Ads by STO
