ﷲއަށް ހަމްދުހުރި، އިތުރު 40 މީހަކު ބަލިން ރަނގަޅު ވެއްޖެ

ރާއްޖެއިން ކޮވިޑް-19 އަށް ފައްސިވި މީހުންގެ ތެރެއިން އިތުރު 40 މީހަކު ބަލިން ރަނގަޅު ވެއްޖެއެވެ.

Ads by STELCO

މި 40 މީހުންނާއެކު ބަލިން ރަނގަޅުވި މީހުންގެ އަދަދު މިހާރު ވަނީ 1193 އަށް އަރާފައެވެ. މިއާއެކު ރާއްޖެއިން މި ބައްޔަށް ފައްސިވި މީހުންގެ ތެރެއިން ދެބައިކުޅަ އެއްބައި މިހާރު ވަނީ ބަލިން ރަނގަޅުވެފައެވެ.

ފައްސިވި މީހުންގެ ތެރޭގައި ގިނައީ ބިދޭސީން ނަމަވެސް ރަނގަޅުވި މީހުންގެ ތެރޭގައި ގިނައިން ހިމެނެނީ ދިވެހިންނެވެ.

މިއަދު އިތުރު 27 މީހަކު ފައްސިވެފައިވާއިރު، ރާއްޖެއިން މި ބަލި ޖެހުނު މީހުންގެ ޢަދަދު މިހާރު ވަނީ 2003 އަށް އަރާފައެވެ. އަދި 8 މީހަކު ވަނީ މި ބަލީގައި ނިޔާވެފައެވެ. ނިޔާވި މީހުންގެ ތެރޭގައި ހިމެނެނީ ހަތަރު ދިވެހިންނާއި ހަތަރު ބިދޭސީ އެކެވެ.