މުލީގައި ކުދި ވެލާތަކެއް މަގުއޮޅިގެން ރަށުތެރެއަށް އަރައިފި
މ. މުލީގެ ގޮނޑުދޮށަށް ވިހެއި ކުދ ވެލާތަކެއް މަގުއޮޅިގެން ރަށު ތެރެއަށް އަރައިފިއެވެ.
Ads by Hajj Corporation
އެ ރަށުން ވާހަކަ ދެއްކި މީހަކު ބުނީ، ރަށުގެ މެދެއްހާ ހިސާބުން ވެލާތައް ފެނުނީ ރޭގެ ފަތިސްވާން އުޅެނިކޮށް ކަމަށެވެ. އަދި ވެލާތައް މަގުއޮޅި ރަށުތެރެއަށް އައިސް ފައިބާފައި ވަނީ، ވާރޭވެހިގެން މަގުގައި ހެދިފައި އޮތް ފެންގަނޑެއްގެ ތެރެއަށް ކަމަށް އޭނާ ބުންޏެވެ.
ވެލާތައް މަގުމަތީގައި އުޅޭތަން ފެނިގެން ފުލުހުންނަށް ރިޕޯޓް ކުރުމުން، ފުލުހުން ވަނީ ވެލާތައް މަގުމަތިން ނަގައިގެން ގެންގޮސް ފަތިހު މޫދަށް ދޫކޮށްލާފައެވެ.
ވެލާތަަކަށް މަގު އޮޅިގެން ރަށުތެރެއަށް އަރާފައި ވަނީ، ވެލާ ބިސްވަޅު އެއްގަމުގެ ކޮންމެވެސް ހިސާބެއްގައި ހުރުމުގެ ސަބަބުން ކަމަށް އެ ރަށު މީހުން ބުނެފައިވެއެވެ.
Ads by Ooredoo
