މިއަދު ފައްސިވި މީހުންގެ ތެރޭގައި ހާލު ސީރިއަސް ވެދާނެ 83 އަހަރުގެ މީހަކު!

މިއަދު ރާއްޖެއިން ކޮވިޑް-19 އަށް ފައްިސި މީހުންގެ ތެރޭގައި ސިއްހީ ގިނަ މައްސަލަތަކެއް ހުރި، އަދި ހާލަތު ސީރިއަސް ވެދާނެ އުމުރުން 83 އަހަރުގެ ދިވެއްސަކު ހިމެނޭ ކަމަށް ކޮވިޑްގެ ތަރުޖަމާނު މަބްރޫކް އަޒީޒް ވިދާޅުވެއްޖެއެވެ.

Ads by STELCO

މިރޭ ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މަބްރޫކް ވިދާޅުވީ އޭނާއަކީ ހައިޕަޓެންޝަން އާއި ދިގު މުއްދަތަށް ބޭސްކުރަމުން އަންނަ އެކިއެކި ބަލިތަކުގެ ސަބަބުން ކޭސް އިތުރަށް ސީރިއަސް ވެދާނެ ކަހަލަ ބަލިތަކެއް ހުރި މީހެއް ކަމަށެވެ.

ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ބުނީ މިއަދު އިތުރު 22 މީހަކު ކޮވިޑަށް ފައްސިވެފައިވާ ކަމަށާއި އެ މީހުންގެ ތެރޭގައި ހިމެނެނީ ނުވަ ދިވެއްސަކާއި، ބަންގްލަދޭޝްގެ 9 މީހަކާއި، ނޭޕާލްގެ ދެ މީހެއްގެ އިތުރުން އިންޑިއާ އަދި ތައިލޭންޑްގެ މީހެއް ކަމަށެވެ.

މި 22 މީހުންނާއެކު ރާއްޖެއިން މި ބައްޔަށް ފައްސިވި މީހުންގެ އަދަދު މިހާރު ވަނީ 2035 އަށް އަރާފައެވެ. މީގެތެރެއިން ފަރުވާ ދެމުން މިހާރު އަންނަނީ 714 މީހަކަށެވެ.