އާންމު މީހަކަށް ހަމަލާދިން 3 ފުލުހަކު ވަޒީފާއިން ވަކިކޮށްފި
އާންމުން މީހަކަށް ހަމަލާދިން ތިން ފުލުހަކު ވަޒީފާއިން ވަކިކޮށްފައިވާ ކަމަށް ކޮމިޝަނަރ އޮފް ޕޮލިސް މުހައްމަދު ހަމީދު ވިދާޅުވެއްޖެއެވެ.
ހަމީދު ކުރެއްވި ޓްވީޓެއްގައި ވިދާޅުވީ މިދިޔަ އަހަރުގެ އޮގަސްޓު މަހުގެ 5 ވަނަ ދުވަހު އާންމުގެ މީހަކަށް ހަމަލާދިން ތިން އޮފިސަރަކު ވަޒީފާއިން ވަކިކޮށް އެއް ފުލުހެއްގެ މަގާމު ދަށް ކުރުމަށް ފުލުހުންގެ ޑިސިޕްލިނަރީ ބޯޑުން އިއްޔެ ނިންމާފައިވާ ކަމަށެވެ.
The Disciplinary Board yesterday dismissed 3 officers & demoted 1 for allegedly assaulting a member of public on 5/8/2019. This demonstrates our posture for reform. Police reform is doable, it’s in everyone’s interest, can be approached with civility. Ridiculing is unnecessary.
— Mohamed Hameed (@M_Hameedh) June 16, 2020
ހަމީދު އިތުރަށް ވިދާޅުވީ ފުލުހުންގެ އިދާރާގައި ވަޒީފާ އަދާކުރާ ފުލުހުންގެ ތެރެއިން، 34 ޕަސެންޓު ފުލުހުންގެ އަތުގައި އޭލެވެލް އަށްވުރެ މަތީ ފާސް އޮންނާނެ ކަމަށާއި 220 ފުލުހުންގެ އަތުގައިި ޕޯސްޓްގްރެޖުއޭޓް ޑިގްރީ އޮންނަ ކަމަށެވެ. އަދި ފުލުހުންގެ ވަޒީފާއަށް ބޭނުންވާ ގިނަ ހުނަރުތަައް ދަސްކުރަނީ މަސައްކަތުގެ ތެރެއިން ކަން ވެސް ސީޕީ ފާހަގަކުރެއްވި އެވެ.
ސީޕީ ވިދާޅުވީ މަތީ ފާހަކަށް ވުރެ، ތަމްރީނާއި ހުނަރު ލިބި، ވަޒީފާގެ ގާބިލްކަން ހުރުން މުހިންމު ކަމަށެވެ.
ފުލުހުންގެ މުއައްސަސާ ރީފޯމް ކުރުމަކީ ކުރެވޭނެ ކަމެއް ކަމަށާއި، މަސައްކަތް ވެސް ކުރަމުން އަންނަނީ އެކަން ހާސިލް ކުރުމަށް ކަމަށް ހަމީދު ވިދާޅުވިއެވެ.
