އެ މައްސަލައިގައި ތުހުމަތުވާ ފުލުހުންތަކެއް ސަސްޕެންޑުކޮށް ވަޒީފާއިން ވަކި ކުރި ކަމަށް މީގެ ކުރިން ކޮމިޝަނާ އޮފް ޕޮލިސް މުހައްމަދު ހަމީދު ވިދާޅުވެފައިވެ އެވެ.
ބިދޭސީއަކަށް އަނިޔާކުރި މައްސަލާގައި 8 ފުލުހެއްގެ މައްސަލަ ޕީޖީން ބަލައިގެންފައި
ފުލުހުން ހިންގި އޮޕަރޭޝަނެއްގައި، ބިދޭސީއަކަށް އަނިޔާކުރި މައްސަލައިގައި 8 ފުލުހެއްގެ މައްސަލަ ބަލައިގެންފައިވާ ކަމަށް ފުލުހުން މިއަދު ބުނެފި އެވެ.
Ads by MWSC
މިދިޔަ އަހަރުގެ ޖުލައި މަހުގެ ފަސް ވަނަ ދުވަހު ފުލުހުންތަކެއް މާފަންނު "އުޖާލާ"ގޭ ތެރޭގައި ބިދޭސީއަކަށް އަނިޔާ ކުރި 11 ފުލުހެއްގެ މައްޗަށް ދައުވާކޮށްދިނުމަށް އެދި ޕްރޮސެކިއުޓާ ޖެނެރަލް (ޕީޖީ) އޮފީހަށް ވަނީ ފޮނުވާފައެވެ.
ފުލުހުން މިއަދު ބުނީ އެ މައްސަލައިގައި، ދައުވާކުރަން ފޮނުވި 11 ފުލުހުންގެ ތެރެއިން އަށް ފުލުހެއްގެ މައްސަލަ ދައުވާ ކުރުމަށް ޕީޖީއިން މިހާރު ބަލައިގެންފައިވާ ކަމަށެވެ.
އެ މައްސަލައިގައި ހިމެނެނީ ކްރައިމް ކޮމާންޑަށް ނިސްބަތްވާ ފުލުހުން ކަމަށްވާތީ، ތަހުގީގު ކުރިއަށް ގެންގޮސްފައިވަނީ ކްރައިމް ކޮމާންޑަށް ނިސްބަތްނުވާ، އިންވެސްޓިގޭޝަން އޮފިސަރުން (އައިއޯ) ގެ މައްޗަށް އެކުލަވާލި ހާއްސަ ޓީމަކުންނެވެ.
ބިދޭސީގެ ގައިގައި ތަޅައި އަނިޔާކުރި މަންޒަރު ސޯޝަލް މީޑިއާގައި އޭރު ވަރަށް ބޮޑަށް ދައުރުވި އެވެ. އެ ވީޑިއޯ އިން ފެންނަ ގޮތުގައި ކުލަ ހެދުމުގައި ތިބި ދެ ތިން ފުލުހުން ވަނީ އަތުންނާއި ފައިން އެ މީހާ އަށް ހަމަލާދީ ވަރަށް ބޮޑަށް އަނިޔާކޮށްފަ އެވެ. އަދި ގަލަކުން ވެސް އެމީހާގެ ގައިގައި ޖަހަ އެވެ.
Ads by HDC
