މާމެންދޫއަށް އެމްޓީސީސީން ދެމުންދިޔަ ފެރީގެ ޚިދުމަތް ވަގުތީ ގޮތުން މެދުކަނޑާލައިފި
ގއ. މާމެންދޫއަށް އެމްޓީސީސީން ދެމުންދިޔަ ފެރީގެ ޚިދުމަތްތައް ވަގުތީ ގޮތުން މެދުކަނޑާލައިފިއެވެ.
Ads by Sosun Fihaara
އެމްޓީސީސީން ބުނެފައިވަނީ މާމެންދޫ އަށް ދެމުންދިޔަ ފެރީގެ ޚިދުމަތް ވަގުތީ ގޮތުން މެދުކަނޑާލީ އެރަށުން ކޮވިޑް-19 އަށް ތިން މީހަކު ފައްސި ވުމާއި ގުޅިގެން، އެރަށަށް ފެރީ ދަތުރުތަށް ވަގުތީ ގޮތުން ހުއްޓާލުމަށް އެއަތޮޅު ކައުންސިލުން އެންގުމާއި ގުޅިގެން ކަމަށެވެ.
އަލުން މާމެންދޫއަށް ދަތުރުތަށް ފަށާނީ އަތޮޅު ކައުންސިލުން ހެލްތު ޕްރޮޓެކްޝަން އޭޖެންސީގެ ހުއްދަ ނެގުމަށްފަހު އެކަން އެންގުމުން ކަމަށް ވެސް އެމްޓީސީސީން ބުނެފައިވެއެވެ.
މާމެންދޫ އިން ކޮވިޑް އަށް ފައްސިވެފައިވަނީ މިމަހުގެ 13 ވަނަ ދުވަހު ކޫއްޑޫ މަގުން އެރަށަށް ދިޔަ މީހަކާއި، އޭނާ ހުރި ގޭގެ ދެމީހެކެވެ.
Ads by Ooredoo
