ޖުލައި މަހުގެ 16 ވަނަ ދުވަހު ބޯޑަރު ހުޅުވާލުމަށް މަޝްވަރާކޮށްފި
ކޮވިޑް19 އާއި ގުޅިގެން ބަންދު ކުރެވިފައިވާ ރާއްޖޭގެ ބޯޑަރު އަންނަ މަހުގެ 16 ވަނަ ދުވަހު ބޯޑަރު ހުޅުވާލުމަށް މަޝްވަރާކުރެވިފައި ވާކަމުގައި ރައްޔިތުންގެ މަޖިލީހުގެ ރައީސް، މުހައްމަދު ނަޝީދު ވިދާޅުވެއްޖެ.
މަޖިލީހުގެ މިއަދުގެ ޖަލްސާގައި ވާހަކަފުޅު ދައްކަވަމުން ރައްޔިތުންގެ މަޖިލީހުގެ ރައީސް، މުހައްމަދު ނަޝީދު ވިދާޅުވީ ރާއްޖޭގެ އިޤްތިޞާދު އަލުން ފައްޓައި، ބޯޑަރު ހުޅުވުމަށް ސަރުކާރުން މަސައްކަތް ކުރަމުންދާކަމަށާއި މިމަސައްކަތުގައި އަދި ސީދާ ވަކި ތާރީހެއްގައި ބޯޑަރުހުޅުވާނެކަމުގެ ޔަގީންކަމެއް ނެތް ކަމަށެވެ.
ނަމަވެސް ޖުލައި މަހުގެ 16ވަނަ ދުވަހު ބޯދަރު ހުޅުވާލުމަށް މަޝްވަރާ ކުރެވިފައިވާ ކަމަށްވެސް ރައީސް ނަޝީދު ވިދާޅުވިއެވެެ.
ސަރުކާރުން ބޯޑަރު ހުޅުވައި އިޤުތިޞާދު ހުޅުވުމުގެ މަސައްކަތް ކުރަމުންދާއިރު ވެލާނާ އިންޓަނޭޝަނަލް އެއަރޕޯޓް އޮތީ އައު އާންމު ހާލަތުގައި ޚިދުމަތްދެވޭ ވަރަށް ތައްޔާރުވެފައިކަމަށް މޯލްޑިވްސް އެއަރޕޯޓްސް ކޮންޕެނީ ލިމިޓެޑް އިން ވަނީ ހާމަކޮށްފައެވެ. ނަމަވެސް ވީއައިއޭ ނިއުނޯމަލް ގެ ދަށުން އަލުން ހުޅުވާއިރު ފްލައިޓް މޫވްމަންޓްސް ކުރިއާއި އަޅާބަލާއިރު %3 ދަށްވާނެކަމަށާ ދުވާލަކު 10 އިންޓަނޭޝަނަލް ފުލައިޓް ޖައްސައި ޑޮމެސްޓިކް 15 ފުލައިޓާއި 20 ފުލައިޓާއި ދެމެދުގެ އަދަދަކަށް އޮޕަރޭޓްކުރާނެކަމަށް ވަނީ އަންދާޒާކޮށްފައެވެ.
