އިންޑިއާގައި ހޯމް ކަރަންޓީނުގައި ހުރި އަންހެނަކު ބޭއްވި ޕާޓިއަކުން 17 މީހުނަށް ކޮވިޑް19 ޖެހިއްޖެ
އިންޑިއާގައި ކޮވިޑް19 ގެ ކޭސްތައް ދުވަހުން ދުވަހަށް އިތުރުވަމުން އަންނައިރު ވެސް ގިނަ ބަޔަކު ކޮވިޑް19 އިން ރައްކާތެރިވުމަށް އަޅާ ފިޔަވަޅުތަކަށް އަމަލުނުކުރާކަން ކަމާބެހޭ އިދާރާތަކުން ފާހަގަކުރެއެވެ.
އެގޮތުން އަނެއްކާ ވެސް މިވަނީ ގާނޫނުތަކަށް ތަބައަ ނުވުމުގެ ސަބަބުން އިތުރު ބަޔަކު މި ބައްޔަށް ފައްސިވެފައެވެ.
ގުގުރަމް ގައި ހުރެފަ އެނބުރި އޭނާގެ އަވަށް އޮދީޝާ އަށް އައި މީހަކު ގޭގައި ކަރަންޓީނު ހުރެ ބޭއްވި ޕާޓީ އަކުން މިވަނީ 17 މީހުނަށް ބަލި ޖެހިފައެވެ. ރިޕޯޓުތައް ބުނާ ގޮތުގައި މި އަންހެން މީހާ ޕާޓީ ބާއްވައިދީފައިވަނީ އޭނާގެ ދަރިފުޅުގެ އުފަންދުވަސް ކަމުގައި ވުމުން އެކަމުގެ އުފަލުގައެވެ.
ރިޕޯޓުތައް ބުނާ ގޮތުގައި މިއަންހެންމިހާގެ ދެމަފިރިންނާއި ދަރިފުޅު އޮދީޝާ އަށް އައިސްފައިވަނީ ޖޫން 6 ވަނަ ދުވަހުއެވެ. އަދި އެމީހުން ތިބީ އެމީހުންގެ ބޮޑުބޭބެގެ ގޭގައި 14 ދުވަހަށް ކަރަންޓީނުކޮށްފައެވެ. ދަރިފުޅުގެ އުފަންދުވަސް ފާހަގަކުރުމަށް ބޭއްވި ޕާޓީއަށް ވަނީ އަވައްޓެރިންނަށްވެސް ދައުވަތު ދީފައެވެ.
މި އަންހެން މީހާ ކޮވިޑް19 އަށް ފައްސިވެފައިވަނީ ޖޫން މަހުގެ 15 ވަނަ ދުވަހުއެވެ. އަދި ކޮންޓެކްޓު ޓްރޭސިންގެ ތެރެއިން އިތުރު 16 މީހަކު ވެސް ވަނީ ބައްޔަށް ފައްސިވެފައެވެ.
Ads by STO
