މަޖިލިސް މެމްބަރުންގެ ކަރާމާތަށް އަރައިގަންނަމުންދާތީ ރައީސް ނަޝީދު އިސްތިއުފާ ދެއްވުމަށް ޖާބިރު ގޮވާލައްވައިފި
ރައްޔިތުންގެ މަޖިލީހުގެ މެމްބަރުންގެ ކަރާމާތަށް އަރައިގަންނަމުންދާތީ ކަމަށް ބުނެ މަޖިލީހުގެ ރައީސް މުހައްމަދު ނަޝީދު އިސްތިއުފާ ދެއްވުމަށް ކާށިދޫ ދާއިރާގެ މެމްބަރު އަބްދުﷲ ޖާބިރު ގޮވާލައްވައިފިއެވެ.
ޖާބިރު ވިދާޅުވީ ރައީސް ނަޝީދުގެ އަމަލުތައް ގެންގުޅުއްވާ ގޮތުން، ހާއްސަކޮށް މަޖިލިސް މެމްބަރުންގެ ކަރާމާތަށް އަރައިގަނެ، މެމްބަރުންނަށް ޖޯކަރުންނަށް ހައްދަވައި "ތަށިބަރި" ހިފައިގެން މަޖިލިސް އަށް އަންނަން ގޮވާލުމުން މަޖިލިސް ރައީސް އާ މެދު އޮތް އިތުބާރު ގެއްލި ވަގުތު އިސްތިއުފާ ދިނުމަށް ގޮވާލާ ކަމަށެވެ.
Majlis Raees @MohamedNasheed ge amaluthah gengulhuvvaa gothun haassakoh Majlis memberunge karaamaathah araigane, memberun jokerunah hahdhavaa "thashibari" hifaigen Majlis ah annan govaalumun Majlis Raees aai medhu oi ithubaaru gelli vaguthun isthiufaa dhevvumah govaalan - Jabir
— DRP (@drpmaldives) June 22, 2020
ޖާބިރު ވަނީ މީގެ ކުރިން ވެސް ނަޝީދުގެ އިސްތިއުފާ އަށް ގޮވާލައްވާފައެވެ. އެގޮތުން މިދިޔަ މޭ މަހުގެ 31 ޖާބިރު ރައީސް ނަޝީދަށް ފޮނުއްވި ސިޓީގައި ވިދާޅުވެފައި ވަނީ ކޮވިޑް-19އާ ގުޅިގެން ރާއްޖޭގެ ސިއްހީ ހާލަތު އިއުލާނުކޮށްފައި ވަނިކޮށް އަދި މުޅި މާލެ ފުރަބަންދުގެ ހާލަތުގައި އޮއްވާ ސަރުކާރަށް ގޮންޖައްސަވައި ރައްޔިތުންގެ މަޖިލީހުގެ އިދާރާގައި ބާއްވަން ފެށުމަކީ ރައްޔިތުންނަށް ނަމޫނާ ދައްކަވަންޖެހޭ، ރައްޔިތުންގެ މަޖިލިސް މެމްބަރުން ވަރަށް ދަށުދަރަޖައިގެ އަމަލެއްގެ ތެރެއަށް ވައްޓާލުމަށް ނަޝީދު ހިންގެވި ޖަރީމާ އެއް ކަމަށެވެ.
Ads by STO
