ކޮވިޑް-19: ރޭންޑަމް ސާމްޕަލެއް ފައްސިވުމާއި ގުޅިގެން ތިނަދޫގައި ފިޔަވަޅުތައް ވަރުގަދަ ކޮށްފި

ގދ. ތިނަދޫން ރޭންޑަމް ސާމްޕަލެއް ކޮވިޑް-19 އަށް ފައްސިވުމާއި ގުޅިގެން އެރަށުގައި އަޅާފައިވާ ފިޔަވަޅުތައް ވަރުގަދަ ކޮށްފިއެވެ.

Ads by STELCO

ތިނަދޫ ކައުންސިލުން ނެރުނު ބަޔާނެއްގައި ބުނެފައިވަނީ އެރަށުގައި ކޮވިޑް ފެތުރުން ކޮންޓްރޯލު ކުރުމަށް އަޅާފައިވާ ފިޔަވަޅުތައް ހަރުދަނާކޮށް ރަށުތެރޭގައި އަޅުމަށް ހަމަޖެހިފައިވާ ފިޔަވަޅުތަށް ވަނީ އިއުލާންކޮށްފައިއެވެ.

ތިނަދޫގައި އަޅާފައިވާ ފިޔަވަޅުތަށް

ސައިހޮޓާ އަދި ރެސްޓޯރެންޓުތަށް ރޭގަނޑު 11:00 ގައި ބަންދުކުރުން
ފިހާރަތަކާއި ގާޑިޔާތަށް ރޭގަނޑު 10:00 ގައި ބަންދުކުރުން
ހުރިހާ ކުޅިވަރު ހަރަކާތްތަށް ހުއްޓާލުން
ފަރު މަސްވެރިކަން ކުރާ އުޅަނދުފަހަރު ކައުންސިލުން ދޫކުރާ ޚާއްސަ ހުއްދައިގެ ދަށުންނޫނީ މަހަށް ނުފުރުން
ކަނޑު މަސްވެރިކަން ކުރާ އުޅަނދުފަހަރު ކައުންސިލާ ވެވޭ އިޤްރާރެއްގެ ދަށުން ނޫނީ މަހަށް ނުފުރުން
ސްކޫލް ، ކޮލެޖް ޔުނިވާރސިޓީ އަދި ޓިއުޝަންކްލާސްތަކާއި ޤްރުއާން ކްލާސްތަށް އޮންލައިންކޮށް ކުރިޔަށް ގެންދިޔުން
ކުޑަކުދިންގެ ޕާރކްތަކާއި ، މިއުޒިއަމް ޕާރކް ބަންދުކުރުން

ކޮވިޑް-19 ވައިރަސް ފެތުރިފައިވާ މިންވަރު ދެނެގަތުމަށްޓަކައި 07 ފެބްރުވަރީ 2021 ގައި ނެގުނު ރެންޑަމް ސާމްޕަލްއެއް ކޮވިޑް-19 އަށް ފައްސިވެފައި ވަނީ މިއަދުއެވެ.މިއާއެކު ފައްސިވި މީހާގެ ކޮންޓެކްޓް ޓްރޭސިންގެ މަސައްކަތް މިހާރު ފަށާފައި ވާ ކަމަށް ވެސް އެ ހޮސްޕިޓަލުން ބުނެއެވެ.

މީގެ ކުރިން އައްޑޫން ތިނަދުއަށް ދިޔަ މީހަކު ކޮވިޑް-19 އަށް ފައްސިވުމާ ގުޅިގެން އެ ރަށް ވަނީ މޮނިޓަރިން އަށް ލެވިފައެވެ. ތިނަދޫ މޮނީޓަރިން އަށް ލާފައި ވަނީ ބަލި އޮތްތޯ ބަލައި، ކޮންޓެކްޓް ޓްރޭސިން ހެދުމަށެވެ. މި ހާލަތުގައި އެރަށަށް އަރައި ފޭބުން މަނާ ވާނެއެވެ.