މި މަހު މިހާތަނަށް ކާފިއު އާ ހިލާފުވެ، މާސްކު ނާޅާ އުޅުނު ފަރާތްތަކުގެ އަތުން 2.8 މިލިއަން ރުފިޔާ ދައުލަތަށް

ކޮވިޑް-19 އާ ގުޅިގެން އަޅާފައިވާ ފިޔަވަޅުތަކާ ހިލާފުވެގެން ހަފްތާއެއްގެ ތެރޭގައި 2539 މީހުން ޖޫރިމަނާ ކޮށްފައިވާ ކަމަށް ފުލުހުން ހާމަކޮށްފިއެވެ.

Ads by MWSC

ފުލުހުން މިއަދު އާންމުކުރި ތަފާސް ހިސާބުތަކަށް ބަލާއިރު، މާސްކު ނާޅައިގެން 1551 ފަރާތެއް ޖޫރިމަނާ ކޮށްފައިވާއިރު، ކާފިއު ގަޑީގައި ވެހިކަލް ދުއްވައިގެން 271 ފަރާތެއް ވަނީ ޖޫރިމަނާ ކޮށްފައެވެ.

މި ހުރިހާ ފަރާތެއް ވެސް 1000 ރުފިޔާ އިން ޖޫރިމަނާ ކުރެވޭއިރު، ހަފްތާއެއްގެ ތެރޭގައި ޖޫރިމަނާގެ ގޮތުގައި ދައުލަތަށް 2،539،000 ރުފިޔާ ލިބޭނެއެވެ.

ބޭރުތެރޭގައި އުޅުމުގައި މާސްކު ނާޅައިގެން އެންމެ ގިނަ ބަޔަކު ޖޫރިމަނާ ކޮށްފައި ވަނީ މިމަހު 5 ވަނަ ދުވަހެވެ. އެގޮތުން އެދުވަހު ވަނީ 258 މީހަކު ޖޫރިމަނާ ކޮށްފައެވެ. މާސްކު ޖޫރިމަނާ ބަލާފައި ވަނީ އިރުއޮއްސި 6:01 އިން އަނެއް ދުވަހު އިރުއޮއްސި 6:00 އަށެވެ. އެގޮތުން:

• 31 ޖެނުއަރީ - 1 ފެބްރުއަރީ: 81 މީހުން
• 1 ފެބްރުއަރީ - 2 ފެބްރުއަރީ: 154 މީހުން
• 2 ފެބްރުއަރީ - 3 ފެބްރުއަރީ: 146 މީހުން
• 3 ފެބްރުއަރީ - 4 ފެބްރުއަރީ: 258 މީހުން
• 4 ފެބްރުއަރީ - 5 ފެބްރުއަރީ: 284 މީހުން
• 5 ފެބްރުއަރީ - 6 ފެބްރުއަރީ: 223 މީހުން
• 6 ފެބްރުއަރީ - 7 ފެބްރުއަރީ: 193 މީހުން
• 7 ފެބްރުއަރީ - 8 ފެބްރުއަރީ: 212 މީހުން ޖޫރިމަނާ ކޮށްފައި ވެއެވެ.

ކާފިއު ގަޑީގައި ބޭރުގައި އުޅެގެން އެންމެ ގިނަ މީހުން ޖޫރިމަނާ ކޮށްފައި ވަނީ މިމަހު 6 ވަނަ ދުވަހެވެ. އެއީ 176 މީހުންނެވެ. ކާފިއު ޖޫރިމަނާ ބަލާފައި ވަނީ ރޭގަނޑު 11:00 އިން ފަތިހު 4:00 އާ ދެމެދު އެވެ. އެގޮތުން

• 31 ޖެނުއަރީ - 1 ފެބްރުއަރީ: 50 މީހުން
• 1 ފެބްރުއަރީ - 2 ފެބްރުއަރީ: 140 މީހުން
• 2 ފެބްރުއަރީ - 3 ފެބްރުއަރީ: 50 މީހުން
• 3 ފެބްރުއަރީ - 4 ފެބްރުއަރީ: 139 މީހުން
• 4 ފެބްރުއަރީ - 5 ފެބްރުއަރީ: 175 މީހުން
• 5 ފެބްރުއަރީ - 6 ފެބްރުއަރީ: 176 މީހުން
• 6 ފެބްރުއަރީ - 7 ފެބްރުއަރީ: 133 މީހުން
• 7 ފެބްރުއަރީ - 8 ފެބްރުއަރީ: 125 މީހުން ޖޫރިމަނާ ކޮށްފައި ވެއެވެ.

ވެހިކަލް ދުއްވުން މަނާ ގަޑީގައި ވެހިކަލް ދުއްވައިގެން އެންމެ ގިނަ މީހުން ޖޫރިމަނާ ކޮށްފައި ވަނީ މިމަހު 6 ވަނަ ދުވަހެވެ. އެއީ 66 މީހުންންނެވެ. މި ޖޫރިމަނާ ބަލާފައި ވަނީ ރޭގަނޑު 8:30 އިން ފަތިހު 4:00 އާ ދެމެދު އެވެ. އެގޮތުން:

• 31 ޖެނުއަރީ - 1 ފެބްރުއަރީ: 4 މީހުން
• 1 ފެބްރުއަރީ - 2 ފެބްރުއަރީ: 18 މީހުން
• 2 ފެބްރުއަރީ - 3 ފެބްރުއަރީ: 9 މީހުން
• 3 ފެބްރުއަރީ - 4 ފެބްރުއަރީ: 28 މީހުން
• 4 ފެބްރުއަރީ - 5 ފެބްރުއަރީ: 52 މީހުން
• 5 ފެބްރުއަރީ - 6 ފެބްރުއަރީ: 66 މީހުން
• 6 ފެބްރުއަރީ - 7 ފެބްރުއަރީ: 60 މީހުން
• 7 ފެބްރުއަރީ - 8 ފެބްރުއަރީ: 34 މީހުން ޖޫރިމަނާ ކޮށްފައި ވެއެވެ.

ކުރިން ކާފިއު އިއުލާން ކުރި އިރު އެ ވަގުތުތަކުގައި މަގުމައްޗަށް ނުކުންނަ މީހުންނާއި މާސްކާ ނާޅާ އުޅޭ މީހުންނަށް ފުލުހުން ފުރަތަމަ ނަސޭހަތްތެރި ވެފައި ވެއެވެ. އަދި ޖޫރިމަނާ ކުރަނީ ނަސޭހަތް ދިނުމަށް ފަހު ވެސް އެކަން ތަކުރާރުވާ ނަމައެވެ. ނަމަވެސް މިފަހަރު ނަސޭހަތް ދިނުމެއް ނޯންނާނެ ކަމަށް ފުލުހުން ބުނެއެވެ.