ބިދޭސީ އަންހެންމީހާއަށް ޖިންސީ ގޯނާކުރި މައްސަލައިގައި ފުލުހުންގެ އިހުމާލެއްވޭތޯ ބަލަނީ
ހުޅުމާލޭ ސަފާރީއެއްގައި ބިދޭސީ އަންހެނަކަށް ޖިންސީ ގޯނާކުރި މައްސަލައިގައި ފުލުހުންގެ އިހުމާލެއްވޭތޯ ބެލުމަށް ރައްޔިތުންގެ މަޖިލީހުގެ މިނިވަން މުއައްސަސާތަކާއި ބެހޭ ކޮމިޓީގައި އެޖެންޑާ ކޮށްފިއެވެ.
މިކަން އިއުލާނު ކުރައްވާ އެކޮމިޓީގެ މުގައްރަރު އަދި އައްޑޫ މީދޫ ދާއިރާގެ މެންބަރު ރޮޒައިނާ އާދަމް ކުރެއްވި ޓްވީޓެއްގައި ވިދާޅުވެފައިވަނީ އެ މައްސަލައިގައި ފުލުހުންގެ އިހުމާލެއް ވޭތޯ ބަލައި، މިކަމަށް ނޭޝަނަލް އިންޓެގްރިޓީ ކޮމިޝަނުން ކުރަމުންދާ ކަމެއް އޮތްތޯ ބެލުމަށް މާދަމާގެ މިނިވަން މުއައްސަސާގެ ކޮމިޓީގެ އަށް އެޖެންޑާ ކުރެވިފައިވާ ކަމަށެވެ.
ހުޅުމާލޭ ފަޅުގައި އަޅާފައި އޮތް ސަފާރީއެއްގައި ބިދޭސީއެއް ރޭޕް ކުރި މައްސަލައަކީ މިވަގުތު ޤައުމަށް ދިމާވެފައިވާ އެންމެ ބޮޑު މައްސަލަތަކުގެ ތެރެއިން އެއް މައްސަލައެވެ.
މިމައްސަލަ މިހާ ބޮޑުވެފައިވަނީ، އެއަންހެންމީހާ ރޭޕް ކުރި އެކަކީ މަޖިލިސް މެންބަރެއްގެ ފިރިމީހާ ކަމަށް ބުނެ އުފުލިފައިވާ ތުހުމަތުތަކަކާއި، ރޭޕް ކުރި ދެމީހުންނަކީ ވެސް ސިޔާސީ ގޮތުން ނުފޫޒުގަދަ ދެމީހުން ކަމުގައިވުމުން، ފުލުހުން އެމީހުން ދޫކޮށްލާފައި ކަމަށް ބުނެވެސް ފެތުރެމުން އަންނަ ތުހުމަތު ތަކުގެ ސަބަބުންނެވެ.
މިމައްސަލައިގެ ތުހުމަތުގެ އެސަފާރީން 39 އަހަރުގެ ދެ ފިރިހެނުން ހައްޔަރުކޮށްފައިވާއިރު، ފުލުހުން ފަހުން ވަނީ އެދެމީހުން ދޫކޮށްލާފައެވެ.
