ފުލުހުންނަށް ދިން ބަޔާނާއި ޚަބަރުތަކުގައި ލިޔެފައިވާ ގޮތް ދިމާވޭ، ނަމަވެސް ރޭޕްވި އަންހެން މީހާ ބުނަނީ މީޑިއާތަކަށް މައުލޫމާތު ނުދޭކަމަށް؟!
ހުޅުމާލޭގައި ފަޅުގައި އަޅާފައި އޮތް ސަފާރީއެއްގެ ތެރޭގައި އުމުރުން 27 އަހަރުގެ ބިދޭސީ އަންހެނަކު ރޭޕްކުރިކަމަށް ބުނެ އުފުލިފައިވާ މައްސަލަ، ނޫސްތަކުގައި މިއަދު ޝާއިއު ކުރުމުން އެއީ އެއަންހެން މީހާ އެއްވެސް މީޑިއާއަކަށް މައުލޫމާތު ދީގެން ލިޔެފައިވާ ޚަބަރެއް ނޫން ކަމަށް އަންހެން މީހާ ބުނިކަމަށާއި ނަމަވެސް ފުލުހުންނަށް މައުލޫމާތު ދީފައިވާ އެރޭ ކަންހިނގި ގޮތަށް ކަމަށް އަންހެން މީހާ ބުނިކަމަށް ފުލުހުން ވިދާޅުވެއްޖެއެވެ.
ފުލުހުން މިރޭ ނެރުނު ބަޔާނެއްގައި ވިދާޅުވެފައިވަނީ، އަންހެންމީހާއާއިމެދު ކަންތައްވީގޮތް ކަމަށް ބުނެ ނޫސްތަކުގައި މިއަދު ޚަބަރު ލިޔެފައިވާތީ އެކަމާއި ގުޅޭގޮތުން ސުވާލު ކުރުމުން، މިމައްސަލައާއި ގުޅިގެން ކުރިން ފުލުހުންނަށް ދީފައިވާ ބަޔާނަކީ ކަންހިނގާފައިވާ ގޮތަށް ދީފައިވާ ބަޔާނެއް ކަމަށާއި މިމައްސަލައާއި ގުޅިގެން އެއްވެސް މީޑިއާއަކަށް އޭނާގެ ފަރާތުން އެއްވެސް ބަޔާނެއް ދީފައިނުވާނެ ކަމަށެވެ. އަދި މީޑިއާގައި އޭނަގެ ފޮޓޯ ހާމަކޮށް ހަގީގަތާއި ޚިލާފު މައުލޫމާތު ފަތުރަމުންދާތީ ކަންބޮޑުވާ ކަމަށާއި ފޮޓޯއާއި މައުލޫމާތު ނަގައިދިނުމަށް ވެސް އެދިފައިވާ ކަމަށް އެބަޔާނުގައިވެއެވެ.
ފުލުހުންގެ ބަޔާނުގައި މިފަދައިން ވިދާޅުވެފައި ވީނަމަވެސް، އެއަންހެން މީހާގެ ނުރުހުމުގައި ސަފާރީ ތެރޭގައި އޭނަގެ ގައިގާ އަތްލާ، ޖިންސީ ގޯނާ ކުރިކަމަށާއި އެމީހުންގެ އަމަލުތައް ހުރިގޮތުން އެފަދަ އަމަލެއް ތަކުރާރު ކޮށްފާނެތީ ސަލާމަތްވުމުގެ ގޮތުން މޫދަށް ފުންމާލުމުން ޑިންގީއެއްގައި އެމީހުން އައިސް އޭނާ ޑިންގީ އަށް ނަގައިގަނެގެން ގެންދިޔަކަމަށް ވެސް ބަޔާނުގައިވެއެވެ.
އެކަން ފުލުހުންނަށް ހުށަހެޅުމުން އެތަނުގައި ތިބި ދެ ފިރިހެނުން އެވަގުތު ފުލުހުންގެ ބެލުމުގެ ދަށަށް ގެންގޮސްފައިވަނީ އެއީ ދެމިގެންދިޔަ ކުށުގެ ވެށްޓެއް ކަމަށްވާތީ ކަމަށާއި މިމައްސަލައާއި ގުޅިގެން އެއަންހެންމީހާ އަނެއްދުވަހު ހެނދުނު ހޮސްޕިޓަލަށް ގެންދިޔަ ކަމަށްވެސް ބަޔާނުގައިވެއެވެ.
Ads by STO
