"މުޒާހަރާތަކުގައި ބައިވެރިވާ މެންބަރުން މަޖިލީހަށް ވަޑައިގަތުމުގެ ކުރިން ކޮވިޑް ޓެސްޓް ހެއްދެވުން މުހިންމު"
މުޒާހަރާތަކުގައި ބައިވެރިވާ މެންބަރުން ރައްޔިތުންގެ މަޖިލީހަށް ވަޑައިގަތުމުގެ ކުރިން ކޮވިޑް-19 އަށް ޓެސްޓު ހެއްދެވުން މުހިންމު ކަމުގައި ރައްޔިތުންގެ މަޖިލީހުގެ ކުރީގެ ނައިބު ރައީސް މޫސާ މަނިކު (ރީކޯ މޫސާ މަނިކު) ވިދާޅުވެއްޖެއެވެ.
މޫސާ މަނިކު މިހެން ވިދާޅުވެފައި މިވަނީ، ފަހަކަށް އައިސް އިދިކޮޅު ކޯލިޝަންގެ މެމްބަރުން މާލޭގައި ބާއްވަމުންދާ އެއްވުންތަކާ ގުޅިގެން ކަމަށް ބެލެވެއެވެ. އެއެއްވުންތަކުގައި ރައްޔިތުންގެ މަޖިލީހުގެ އިދިކޮޅު ބައެއް މެންބަރުން ވެސް ހިމެނޭކަން ފާހަގަ ކުރެވެއެވެ.
އެކަމާ ގުޅޭގޮތުން، ރައްޔިތުންގެ މަޖިލިސް ރައީސް މުޙައްމަދު ނަޝީދު ޓެގް ކުރައްވާ މޫސާ މަނިކު މިރޭ ކުރެއްވި ޓްވީޓެއްގައި ވިދާޅުވީ ރައްޔިތުންގެ މަޖިލީހުގައި މަސައްކަތް ކުރައްވާ މުވައްޒަފުންގެ ސަލާމަތަށްޓަކައި މުޒާހަރާތަކަށް ވަޑައިގަންނަވާ މެމްބަރުން މަޖިލިހަށް ވަޑައިގަތުމުގެ ކުރިން ކޮވިޑް-19 އަށް ޓެސްޓު ކުރުމާއި ނައްސި ނަތީޖާއެއް އޮތުން މުހިންމު ކަމަށެވެ.
"ރައްޔިތުންގެ މަޖިލީހުގައި މަސައްކަތް ކުރައްވާ މުވައްޒަފުންގެ ސަލާމަތަށްޓަކައި މުޒާހަރާތަކަށް ވަޑައިގަންނަވާ މެމްބަރުން މަޖިލިހަށް ވަޑައިގަތުމުގެ ކުރިން ކޮވިޑް-19 ޓެސްޓު ހައްދަވާ ނެގަޓިވް ރިޕޯޓާއެކު މަޖިލިހުގެ އިދާރާއަށް ވެއްދުން މުހިންމު" މޫސާ މަނިކު ވިދާޅުވިއެވެ.
