މާވަރުލު އެއާޕޯޓަށް ބުދަ ދުވަހު ދަތުރުތައް ފަށަނީ، އެއްކޮޅު ޓިކެޓް 827 ރުފިޔާ އަށް!
ގދ. މާވަރުލުގައި އެޅި އެއާޕޯޓަށް ބުދަ ދުވަހު ދަތުރުތައް ފަށަން ނިންމައިފިއެވެ.
މޯލްޑިވިއަނުން ބުނީ ވެލާނާ އިންޓަނޭޝަނަލް އެއާޕޯޓުން މާވަރުލު އެއާޕޯޓަށް ދިއުމަށް އެއްކޮޅު ޓިކެޓްގެ އަގު އުޅެނީ 827 ރުފިޔާގައި ކަމަށެވެ. މޯލްޑިވިއަންއަށް ގުޅައިގެން ބުކިން ހެދުމުގެ ފުރުސަތުވެސް އެ ކުންފުނިން މިހާރު ވަނީ ހުޅުވާލާފައެވެ.
މި އެއާޕޯޓްގެ މަސައްކަތް ނިންމައި ޓެސްޓް ފްލައިޓް ބާއްވާފައި ވަނީ މިއަހަރުގެ މާރިޗުމަހުގެ 11 ވަނަ ދުވަހުއެވެ. ނަމަވެސް ކޮވިޑް-19އާ ގުޅިގެން އެއަރލައިންތަކުގެ ދަތުރުތައް ހުއްޓާލާފައި ވާތީ، މިހާތަނަށް ވަނީ އެއާޕޯޓްގެ ޝެޑިއުލް ދަތުރުތައް ނުފަށައެވެ.
މާވަރުލު އެއާޕޯޓް ތަރައްގީކޮށްފައި ވަނީ 1200 މީޓަރު ދިގު ރަންވޭއެކެވެ. ޓެކްސީވޭ އަދި ފްލަޓް ޕަރކިންގ އޭރިއާ އާއި ޓާމިނަލް ހެދުމުގެ ޢަމަލީ މަސައްކަތް ކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އެމްޓީސީސީ އާއި ހަވާލުކޮށް 57 މިލިއަން ރުފިޔާއަށެވެ.
Ads by STO
