ރޭޕްކުރުމަކީ ޤާނޫނީ ގޮތުން ބޮޑުކުށެއް ކަމުގައި ކަނޑައަޅައި މަޖިލީހުން ބިލު ފާސްކޮށްފި
ރޭޕް ކުރުމަކީ ވެސް ޖިނާއީ ބޮޑު ކުށެއްގެ ގޮތުގައި ކަނޑައަޅައި، ރައްޔިތުންގެ މަޖިލީހުން މިއަދު ބިލު ފާސް ކޮށްފިއެވެ.
ޖިނާއީ ބޮޑު ކުށެއްގެ ގޮތުގައި 11 ކުށެއް ކަނޑައަޅައި، ޝަރީޢަތް ނިމެންދެން މީހަކު ބަންދުގައި ބަހައްޓަން ފަނޑިޔާރު ނިންމައިފިނަމަ އެނިންމުން ކޮންމެ 30 ދުވަހަކުން މުރާޖާ ކުރަން ޖެހޭ ގޮތަށް ޖިނާއީ އިޖުރާޢަތުގެ ޤާނޫނަށް އިސްލާހު ގެނައުމަށް ސަރުކާރުގެ ފަރާތުން ފޮނުވި ބިލު މަޖިލީހަށް ހުށަހަޅައި ދެއްވީ މަތިވެރި ދާއިރާގެ މެމްބަރު ހަސަން ޒަރީރެވެ.
މިމަހުގެ 9 ވަނަ ދުވަހު މިބިލު ކޮމިޓީން ފާސްކޮށްފައިވާއިރު މިބިލު މަޖިލީހުން ފާސްކުރުމާއިމެދު މިއަދު ނެގުނު ވޯޓްގައި ބައިވެރިވެ ވަޑައިގެންނެވި 58 ވޯޓުންނެވެ.
ޖިނާއީ ބޮޑެތިކުށްތައް:
- މީހުން މެރުމުގެ ކުށް
- ރޭޕް ކުރުމުގެ ކުށް
- ކުޑަކުދިންނަށް ޖިންސީ ގޯނާކުރުމުގެ ކުށް
- ޓެރަރިޒަމްގެ ކުށް
- މަނީ ލޯންޑަރިންގ އަދި ޓެރަރިޒަމަށް ފައިނޭންސް ކުރުމުގެ ކުށް
- ޓްރެފިކް ކުރުމުގެ ކުށް
- މަސްތުވާތަކެތި ޓްރެފިކްކުރުމުގެ ކުށް
- އެއްލައްަކައަށްވުރެ މަތީ ފައިސާގެ އަދަދު ހިމެނޭކުށް
- ޓެކްސް ދެއްކުމުން އެއްކިބާވުމުގެ ކުށް
- ރިޝްވަތުގެ ކުށް
- ކޮރަޕްޝަންގެ ކުށް
