ކޮވިޑް ޖެހުނު އިތުރު 2 މީހަކަށް ވެންޓިލޭޓަރުގައި ފަރުވާ ދެނީ

ކޮވިޑް19 ޖެހުނު އިތުރު 2 މީހަކަށް ވެންޓިލޭޓަރުގައި ފަރުވާ ދެމުން އަންނަ ކަން އެޗްޕީއޭ އިން ހާމަކޮށްފިއެވެ.

Ads by Sosun Fihaara

އެޗްޕީއޭ އިން ދެންމެ ކުރި ޓްވީޓެއްގައި ބުނެފައިވަނީ ކޮވިޑް19 ޖެހިގެން ޓްރީޓޮޕް ހޮސްޕިޓަލުގައި ފަރުވާ ދެމުން ދިޔަ ތިން މީހެއްގެ ހާލު ސީރިއަސް ވެ، ތިން މީހަކު ޑީއެޗް11 (ދަރުމަވަންތަ ހޮސްޕިޓަލް) އަށް ބަދަލުކުރެވިފައިވާ ކަމަށެވެ.

އަދި މީގެ ތެރެއިން ދެ މީހަކަށް ފަރުވާ ދެމުން އަންނަނީ ވެންޓިލޭޓަރުގައި ކަމަށްވެސް އެޗްޕީއޭ އިން ބުނެފައިވެއެވެ.

ރާއްޖޭގައި ކޮވިޑަށް ފައްސިވި މީހުންގެ ތެރެއިން މިވަގުތު ފަރުވާދެމުން އަންނަނީ 399 މީހުންނަށެވެ. އޭގެތެރެއިން 12 މީހަކަށް ފަރުވަދެމުން އަންނަނީ ހޮސްޕިޓަލުގައެވެ.