މަސްތުވާތަކެތީގެ މައްސަލައެއްގައި ދެމީހަކު ހައްޔަރުކޮށްފި

މަސްތުވާ ތަކެއްޗާ ދެކޮޅަށް ގދ. ތިނަދޫއާއި، ނ.ވެލިދޫގައި ފުލުހުން ހިންގި ޚާއްސަ އޮޕަރޭޝަން ތަކެއްގައި ދެމީހަކު ހައްޔަރު ކޮށްފިއެވެ.

Ads by MWSC

އެގޮތުން ނ. ވެލިދޫގައި ފުލުހުން ހިންގި މި އޮޕަރޭޝަނުގައި ހައްޔަރު ކޮށްފައި ވަނީ، 37 އަހަރުގެ ފިރިހެނެކެވެ. އޭނާ ހައްޔަރުކޮށް ބަލައި ފާސް ކުރެވުނުއިރު، މަސްތުވާތަކެތި ކަމަށް ބެލެވޭ އެއްޗެއް ހުރި ފިލްމު ހުސްކުރި ދަޅެއް ފެނިފައިވާ ކަމަށް ފުލުހުން ބުންޏެވެ. މި އޮޕަރޭޝަނަކީ މި މަހު 16 ވަނަ ދުވަހު ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން އެރަށުގައި ހިންގުނު އޮޕަރޭޝަނެކެވެ.

ހަމައެއާއެކު ގދ ތިނަދޫގައި ހިންގި އޮޕަރޭޝަނުގައި ހައްޔަރު ކޮށްފައި ވަނީ، 25 އަހަރުގެ ފިރިހެނެކެވެ. އެރަށު މަގުމަތިން އޭނާ ހައްޔަރު ކޮށްފައި ވާއިރު، އޭނާ ހައްޔަރުކޮށް ބަލާ ފާސް ކުރުމުގެ ތެރޭގައި، މަސްތުވާތަކެތި ކަމަށް ބެލެވޭ އެއްޗެއްހުރި 25 ރަބަރު ޕެކެޓު ފެނިފައިވާ ކަމަށް ފުލުހުން ބުންޏެވެ. އަދި މިއީ މި މަހު 14 ވަނަ ދުވަހު ފުލުހުންގެ އިންޓެލިޖެންސާއި ތިނަދޫ ފުލުހުން ގުޅިގެން އެރަށުގައި ހިންގި އޮޕަރޭޝަނެކެވެ.