ދެ ލައްކަ ޑޮލަރުގެ އަގުހުރި މަސްތުވާތަކެއްޗާއެކު ޖެޓްސްކީއެއްގައި ދިޔަ ދެ މީހަކު ހައްޔަރު ކޮށްފި
ގިނަ އަދަދެއްގެ ކޮކެއިން ހިފައިގެން ނެދަރލޭންޑްސް އިން ޔޫކޭއަށް ޖެޓްސްކީއެއްގައި ދަތުރު ކުރަމުންދިޔަ ދެމީހަކު އިނގިރޭސިވިލާތުގެ ފުލުހުން ހައްޔަރު ކޮށްފިއެވެ.
މީޑީއާ ރިޕޯޓްތައް ބުނާ ގޮތުގައި މި ދެމީހުންނަކީ ވެސް އިނގިރޭސި ވިލާތުގެ ދެމީހުންނެވެ. އަދި އެދެމީހުން ގެންދިޔަ މަސްތުވާތަކެތީގެ އަގު 278000 ޑޮލަރަށް އަރާ ކަމަށް ވެސް މީޑިއާ ރިޕޯޓްތައް ބުނެއެވެ.
މީޑިއާ ރިޕޯޓްތައް ބުނާ ގޮތުގައި މި ދެމީހުން ދަތުރު ކުރަމުން ދިޔަ ޖެޓްސްކީ އިން ތެޔޮ ހުސްވެގެން ސާރވޭ ބޯޓަކަށް އެކަން އެންގީ ވެސް އެމީހުންނެވެ. އަދި ސާރވޭ ބޯޓުން ވަނީ ފުލުހުންނާއި ކޯސްޓް ގާޑުގެ އެހީތެރިކަމަށް އެދިފައެެވެ. އަދި ފުލުހުން އައިސް އެހީތެރިވެދިނުމުގެ ތެރޭގައި އެ ދެމީހުންގެ ފަރާތުންގެ ފަރާތުން ޝައްކުވާ ފަދަ ކަންތައްތަކެއް ފެންނާތީ ބަލައި ފާސް ކުރުމުން އެމީހުންގެ އަތުން ވަނީ ގިނަ އަދަދެއްގެ ކޮކެއިން ފެނިފައެވެ.
ފުލުހުންނާއި ކޯސްޓު ގާޑުން އެތަނަށް ދިޔައިރު މިދެމީހުންގެ ތެރެއިން އެކަކު ވަނީ ވަރަށް ހާލު ދެރަވެފައި ކަމަށް ވެސް މީޑިއާ ރިޕޯޓްތައް ބުނެއެވެ. އަދި ފުލުހުން އައުމުން ތިމަންނާމެން މިއުޅެނީ މަަހަށް ނުކުމެއޭ ބުނެ އޮޅުވާލަން މަސައްކަތް ކޮށްފައިވާ ކަމަށް ވެސް މީޑިއާ ތަކުން ރިޕޯޓް ކުރެއެވެ.
މި ދެމީހުން ވެސް މިހާރު ވަނީ 7 އަހަރު ދުވަހަށް ޖަލަށް ލާން ހުކުމް ކޮށްފައެވެ.
