މެޖިސްޓްރޭޓުންނަށް ފޯނު އެލަވަންސް ދޭން ފާސްކޮސްފި

ކޯޓުތަކުގެ މެޖިސްޓްރޭޓުންނަށް ފޯނު އެލަވަންސް ދޭން މަޖިލީހުން މިއަދު ފާސްކޮށްފިއެވެ.

Ads by Hajj Corporation

އެގޮތައް ނިންމާފައިވަނީ މިއަދު ކުރިޔަށް ދިޔަ މަޖިލިސް ޖަލްސާގައި ނެގި ވޯޓުން މަޖިލީހަށް ހާޒިރުވެ ތިއްބެވި 57 މެންބަރުން ވޯޓާ އެކުގައެވެ.

މި ނިންމުމަށް އަމަލު ކުރަން ފަށާނީ އަންނަ އެޕްރީލް މަހު އެއްވަނަ ދުވަހުން ފެށިގެންނެވެ.

ކޯޓުތަކުގެ މެޖިސްޓްރޭޓުންނަށް 500 ރުފިޔާގެ އެލަވަންސް އެއް ދިނުމަށް ވަނީ ކަނޑައަޅާފައެވެ. މެޖިސްޓްރޭޓުންނަށް ފޯނު އެލަވަންސް ހަމަޖައްސައި ދިނުމަށް އެދިވަޑައިގެންނެވީ ޖުޑީޝަލް ސާވިސް ކޮމިޝަން(ޖޭއެެސްސީ) ފަރާތުންނެވެ.

މެޖިސްޓްރޭޓުންގެ ތެރެއިން ސުޕީރިއާ ކޯޓުތަކުގައި މަސައްކަތް ކުރާ ފަނޑިޔާރުންނާއި، ހައިކޯޓާއި ސްޕްރީމް ކޯޓުގެ ފަނޑިޔާރުންނަށް ފޯނު އެލަވަންސްގެ ގޮތުގައި 1000 ރުފިޔާ ދިނުމަށް ގެ ކުރިން މާލިއްޔަތު ކޮމިޓީން ނިންމާފައިވެއެވެ.